ധർമടം മണ്ഡലത്തിൽ വോട്ട് രേഖപ്പെടുത്തി മുഖ്യമന്ത്രി പിണറായി വിജയൻ. വികസന തുടർച്ചയ്ക്ക് എൽഡിഎഫ് വരണം. ജനങ്ങൾ തുടർഭരണം ആഗ്രഹിക്കുവെന്നും മുഖ്യമന്ത്രി പറഞ്ഞു.
വോട്ട് ചെയ്യാൻ ആദ്യനിരയിൽ തന്നെയെത്തി പ്രമുഖ നേതാക്കളും ചലച്ചിത്ര താരങ്ങളും. മുഖ്യമന്ത്രി പിണറായി വിജയൻ. പ്രതിപക്ഷ നേതാവ് വി.ഡി. സതീശൻ. കെപിസിസി പ്രസിഡന്റ് സണ്ണി ജോസഫ്. മന്ത്രിമാരായ എംബി രാജേഷ്, മുഹമ്മദ് റിയാസ്, എൽഡിഎഫ് കൺവീനർ ടി.പി. രാമകൃഷ്ണൻ, യുഡിഎഫ് സ്ഥാനാർഥി രമേഷ് പിഷാരടി, എൻഡിഎ സ്ഥാനാർഥികളായ ആർ. ശ്രീലേഖ, രാജീവ് ചന്ദ്രശേഖർ എന്നിവർ ആദ്യ നിരയിൽ ബൂത്തുകളിലെത്തി വോട്ട് രേഖപ്പെടുത്തി.
സംസ്ഥാനത്ത് വിവിധയിടങ്ങളിൽ വോട്ടിങ് മെഷീനുകൾ തകരാറിലായതോടെ വോട്ടെടുപ്പ് വൈകുന്നു. പോളിങ് ബൂത്തുകളിൽ വോട്ടർമാരുടെ നീണ്ട നിരയാണ് കാണാൻ സാധിക്കുന്നത്.
സംസ്ഥാനത്തെ പ്രായം കൂടിയ വോട്ടറായ 104 വയസുകാരി ത്രേസ്യാമ്മ പാറശേരിൽ ഇടുക്കി ന്യൂമാൻ എൽപി സ്കൂളിൽ വോട്ടു രേഖപ്പെടുത്തി
സംസ്ഥാനത്ത് ആദ്യമണിക്കൂറുകളിൽ കനത്ത പോളിങ്ങാണ് രേഖപ്പെടുത്തിയത്. 10 മണിവരെ പോളിങ് 20 % കടന്നു. എറണാകുളം ജില്ലയിലാണ് കൂടുതൽ പോളിങ്. 10 മണിയോടെ 24.32% ൽ എത്തി.
എറണാകുളം പൊന്നുരുന്നി ക്രൈസ്റ്റ് കോളേജിൽ എത്തിയാണ് മമ്മൂട്ടിയും കുടുംബവും വോട്ട് രേഖപ്പെടുത്തിയത്.
വയനാട് മേപ്പടി ഗവ. ഹയർ സെക്കൻഡറി സ്കൂളിലെ 191ാം നമ്പർ ബൂത്തിൽ മേപ്പാടി സ്വദേശിനി അഖില ആൻ്റണി മൈക്കിൾ വോട്ട് ചെയ്യാനെത്തിയത് വിവാഹ ചടങ്ങിന് തൊട്ട് മുൻപ്.
കോഴിക്കോട് ഫറോക്ക് ചന്ത സ്കൂളിലെ ബൂത്തിലാണ് സംഘർഷം. ബൂത്തിൽ വോട്ടില്ലാത്ത എൽഡിഎഫ് പ്രവർത്തകൻ ബൂത്തിലേക്ക് കയറാൻ ശ്രമിച്ചു എന്നാണ് യുഡിഎഫ് ആരോപണം. ബൂത്തിൽ വോട്ടില്ലാത്ത നിരവധി യുഡിഎഫ് പ്രവർത്തകരും സ്ഥലത്തുണ്ടെന്ന് എൽഡിഎഫും ആരോപിക്കുന്നു. ഇതേ തുടർന്നാണ് ഇരു കൂട്ടരും തമ്മിൽ നേരിയ സംഘർഷം ഉണ്ടായത്.
തൃശൂർ കണ്ടശാങ്കടവ് കോൺവെൻ്റ് സ്കൂളിലെ പോളിങ് ബൂത്തിലാണ് സംഭവം. ബിജെപിയുടെ ബൂത്ത് ഏജൻറ് കയ്യേറ്റം ചെയ്യുകയായിരുന്നുവെന്ന് യുഡിഎഫ് ആരോപിച്ചു. മേഖലയിൽ നേരിയ തോതിൽ സംഘർഷാവസ്ഥ ഉണ്ടായി. സുരക്ഷാ നടപടികൾ ശക്തമാക്കി പൊലീസ്.
സ്വകാര്യവാഹനങ്ങളിൽ ബൂത്തുകളിലേയ്ക്ക് ആളുകളെ എത്തിക്കുന്നതിനെ ചൊല്ലിയുള്ള തർക്കമാണ് എൽഡിഎഫ്-യുഡിഎഫ് സംഘർഷത്തിൽ കലാശിച്ചത്.
ആലപ്പുഴ സെൻറ് സെബാസ്റ്റ്യൻസിലാണ് ഫഹദ് വോട്ട് ചെയ്യാൻ എത്തിയത്
കൊടുങ്ങല്ലൂരിലെ തിരുവള്ളൂര് എല്.പി സ്കൂളില് വോട്ട് രേഖപ്പെടുത്തിയ ശേഷം മാധ്യമ പ്രവര്ത്തകരോട് സംസാരിക്കുകയായിരുന്നു അദ്ദേഹം. ഇത് യുവാക്കളുടെ അവസരമാണെന്നും ചെറുപ്പക്കാര് സമ്മതിദാനാവകാശം വിനിയോഗിക്കണമെന്നും കമല് പറഞ്ഞു.
തെരഞ്ഞെടുപ്പില് നല്ല പ്രതീക്ഷയുണ്ടെന്ന് കെ. സുധാകരന്. യുഡിഎഫ് നൂറ് വരെ സീറ്റ് നേടും. തുടര് ഭരണം അനുവദിക്കില്ലെന്നും വോട്ട് ചെയ്യാനെത്തിയ കെ. സുധാകരന് പ്രതികരിച്ചു.
പോളിങ് ശതമാനം കൂടുന്നത് യുഡിഎഫിന് അനുകൂലമാകുമെന്ന് കുഞ്ഞാലിക്കുട്ടി. മലപ്പുറത്ത് എല്ലായിടത്തും യുഡിഎഫ് വന് വിജയം നേടും. ഡീലിനെ മറികടക്കുന്ന വിജയമാണ് തെരഞ്ഞെടുപ്പ് ഫലത്തില് ഉണ്ടാവുകയെന്നും കുഞ്ഞാലിക്കുട്ടി.
കണ്ണൂർ: മയ്യിലിൽ സിപിഐഎം പ്രവർത്തകന് കുത്തേറ്റ സംഭവത്തിൽ കോൺഗ്രസ് പ്രവർത്തകൻ കസ്റ്റഡിയിൽ. അരിമ്പ്ര സ്വദേശി കൃഷ്ണനാണ് കസ്റ്റഡിയിലുള്ളത്. മുല്ലക്കൊടി അരിമ്പ്ര സ്വദേശിയായ പി.പി. പ്രകാശനാണ് കുത്തേറ്റത്.