വണ്ടാനം മെഡിക്കൽ കോളേജിൽ നിയമനത്തിന് കൈക്കൂലിയെന്ന ജി. സുധാകരൻ്റെ ആരോപണത്തിൽ വിജിലൻസ് അന്വേഷണം ആവശ്യപ്പെട്ട് സിപിഐഎം നേതാവ് എച്ച്. സലാം. ആഭ്യന്തരമന്ത്രി രമേശ് ചെന്നിത്തലക്ക് നേരിട്ട് പരാതി നൽകി. കുടുംബശ്രീ വഴി രണ്ട് ലക്ഷം രൂപ കൈക്കൂലി വാങ്ങി നിയമനം നടന്നെന്നാണ് സുധാകരൻ്റെ ആരോപണം. 100 പേരെ നിയമിച്ചതായും സുധാകരൻ ആരോപിച്ചിരുന്നു. ഈ നിയമനങ്ങൾ അന്വേഷിക്കണമെന്നാണ് എച്ച്. സലാമിൻ്റെ പരാതി. അന്വേഷണം ഉടനുണ്ടാവുമെന്ന് വിജിലൻസ് മന്ത്രി ഉറപ്പ് നൽകി.
സുഹൃത്തുക്കളുടെ അശ്ലീല ദൃശ്യങ്ങൾ സമൂഹ മാധ്യമത്തിൽ പ്രചരിപ്പിച്ചെന്ന കേസിൽ യൂടൂബർ തൊപ്പിക്ക് വീണ്ടും നോട്ടീസ് അയച്ച് പൊലീസ്. ആലുവ റൂറൽ സൈബർ പൊലീസാണ് നോട്ടീസ് അയച്ചത്. അടുത്തയാഴ്ച ചോദ്യം ചെയ്യലിന് ഹാജരാകാനാണ് നിർദേശം. നേരത്തെ തൊപ്പി നൽകിയ മുൻകൂർ ജാമ്യാപേക്ഷ കോടതി തീർപ്പാക്കിയിരുന്നു. ജാമ്യം ലഭിക്കുന്ന വകുപ്പുകൾ എന്ന് നിരീക്ഷിച്ചാണ് ഹർജി തീർപ്പാക്കിയത്.തൊപ്പി ഒളിവിൽ തുടരുന്നതിനിടെയാണ് ഇത്.
പിഎസ്സി പരീക്ഷയുടെ മാർക്ക് വെളിപെടുത്തണമെന്ന ഉത്തരവ് സ്റ്റേ ചെയ്ത് ഹൈക്കോടതി. ഒരു മാസത്തേക്കാണ് സ്റ്റേ ചെയ്തത്. വിവരാവകാശ കമ്മീഷൻ ഉത്തരവിന് എതിരെ പിഎസ്സി നൽകിയ ഹർജിയിലാണ് സ്റ്റേ.
സെക്രട്ടേറിയറ്റിന് മുന്നിൽ നടത്തിവന്ന സമരം പിൻവലിച്ച് എൽപിഎസ്ടി റാങ്ക് ഹോൾഡേഴ്സ്. വിദ്യാഭ്യാസ മന്ത്രിയുമായി നടത്തിയ ചർച്ചയ്ക്ക് പിന്നാലെയാണ് സമരം പിൻവലിച്ചത്.
പ്രകാശ് രാജ് വോട്ടർ പട്ടികയിൽ നിന്ന് പുറത്ത്. ബെംഗളൂരുവിൽ വോട്ടർപട്ടികയിൽ നിന്ന് പുറത്താക്കപ്പെട്ട 65 ലക്ഷം പേരിൽ ഒരാൾ താനാണെന്ന് ഇൻസ്റ്റഗ്രാമിൽ വീഡിയോ പങ്കുവച്ച് താരം വ്യക്തമാക്കി. പൗരന്മാർക്ക് വോട്ട് അവകാശം നിഷേധിക്കാനുള്ള നിങ്ങളുടെ അധികാരം നിങ്ങൾക്ക് ഉപയോഗിക്കാമെന്നും പ്രകാശ് രാജ് പറഞ്ഞു. വോട്ടവകാശം തിരികെ ലഭിക്കാൻ ഏതൊക്കെ വഴികളിലൂടെയാണ് പോകേണ്ടതെന്ന് തനിക്ക് അറിയാമെന്നും പ്രകാശ് രാജ് പറഞ്ഞു.
മെസിയെ കേരളത്തിലേക്ക് എത്തിക്കാമെന്ന് പറഞ്ഞ് കോടികളുടെ തട്ടിപ്പ്. കായിക വകുപ്പ് റിപ്പോർട്ടിൻ്റെ പകർപ്പ് ന്യൂസ് മലയാളത്തിന് ലഭിച്ചു. മെസിയെ എത്തിക്കാനുള്ള നീക്കത്തിൻ്റെ ഒരു കരാർ രേഖകളുമില്ല. ക്രിമിനൽ കുറ്റങ്ങളും ഫിനാൻഷ്യൽ ഫ്രോഡിങ്ങും നടന്നതായി സംശയിക്കുന്നു.
എൽപിഎസ്ടി ഉദ്യോഗാർഥികളുടെ ആവശ്യങ്ങൾ പരിഗണിക്കുമെന്ന് വിദ്യാഭ്യാസമന്ത്രി എൻ. ഷംസുദ്ദീൻ പറഞ്ഞു. 45 ദിവസത്തെ സാവകാശം തേടിയിട്ടുണ്ട്. അധ്യാപക വിദ്യാർത്ഥി അനുപാതം കുറയ്ക്കുന്നത് പരിഗണിക്കുമെന്നും മന്ത്രി പറഞ്ഞു.
കമ്മ്യൂണിസ്റ്റ് സൈദ്ധാന്തികൻ എം.പി. പരമേശ്വരൻ(92) അന്തരിച്ചു. തൃശൂരിലെ വസതിയിൽ ആയിരുന്നു അന്ത്യം. പരമേശ്വരൻ്റെ നാലാം ലോക സിദ്ധാന്തം കേരളത്തിലെ ഇടതുപക്ഷത്തിനിടയിൽ ചർച്ചകൾ വഴിവച്ചിരുന്നു. തുടർന്ന് 2004-ൽ അദ്ദേഹത്തെ സിപിഐഎം പാർട്ടിയിൽനിന്ന് പുറത്താക്കുകയും ചെയ്തിരുന്നു.
കേരളത്തിൻ്റെ പേരുമാറ്റം ബിൽ ലോക്സഭ പാസാക്കി. ബിൽ അവതരിപ്പിക്കുന്നതിൽ പ്രതിപക്ഷത്തിന് താത്പര്യമില്ലെന്ന് നിത്യാനന്ദ റായ് പറഞ്ഞു. കെ.സി. വേണുഗോപാൽ അടക്കമുള്ള കേരളത്തിലെ എംപിമാർ ബഹളമുണ്ടാക്കുന്നതിൽ നിരാശയെന്ന് കിരൺ റിജിജു പറഞ്ഞു. രാജ്യസഭയിൽ നിന്ന് പ്രതിപക്ഷം ഇറങ്ങിപ്പോയി.
കോഴിക്കോട് കാരപ്പറമ്പിന് സമീപം യുവാവിനെ സംഘം ചേർന്ന് മർദ്ദിച്ചു. എടക്കാട് സ്വദേശി ശ്രീലേഷിനെയാണ് അജ്ഞാത സംഘം മർദ്ദിച്ചത്. ബൈക്കിൽ എത്തിയവർ ഇരുമ്പുവടി കൊണ്ട് അടിക്കുകയായിരുന്നു. പരിക്കേറ്റ യുവാവിനെ സ്വകാര്യ ആശുപത്രിയിൽ പ്രവേശിപ്പിച്ചു. ഇരുവരും തമ്മിലുള്ള വാക്ക് തർക്കമാണ് ആക്രമണത്തിൽ കലാശിച്ചത്. എലത്തൂർ പൊലീസ് കേസെടുത്ത് അന്വേഷണം ആരംഭിച്ചു.