"പാർട്ടിയും ജനങ്ങളുമായുള്ള അകൽച്ച വളർന്നു"; സിപിഐഎം വിപുലീകൃത സംസ്ഥാന സമിതിയിൽ വിമർശനം

വിശാല സംസ്ഥാന കമ്മിറ്റിയിലെ മാർഗരേഖ ചോരാതിരിക്കാൻ കർശന നിർദേശം. ജില്ലാ കമ്മിറ്റികൾക്ക് സംസ്ഥാന നേതൃത്വം കർശന നിർദേശം നൽകി. കമ്മിറ്റി വിവരങ്ങൾ ചോർന്നാൽ നടപടി എന്ന് പ്രതിനിധികളെ അറിയിച്ചു.

ബസ് കാത്തു നിന്നവരെ കാറിടിച്ച് തെറിപ്പിച്ചു.വടക്കഞ്ചേരി - മണ്ണുത്തി ദേശീയപാത വാണിയമ്പാറയിലാണ് അപകടം. അപകടത്തിൽ ഒരാൾ മരിച്ചു. വാണിയംപാറ പൊട്ടിമട സ്വദേശി അബ്ദുൽ റസാക്ക് ആണ് മരിച്ചത്. മൂന്നുപേർക്ക് പരുക്കേറ്റു. തൃശൂർ ദിശയിലേക്ക് പോവുകയായിരുന്ന കാർ നിയന്ത്രണം വിട്ട് ഇടിച്ചു കയറുകയായിരുന്നു.

സംസ്ഥാനത്തെ വൈദ്യുതി പ്രതിസന്ധിയ്ക്കെതിരെ ട്രാൻസ്ഫോർമറിനു സമീപം പന്തം കത്തിച്ച് പ്രതിഷേധം .നെയ്യാറ്റിൻകരയിൽ വൈദ്യുതി ട്രാൻസ്ഫോർമറിനു സമീപമാണ് പന്തം കത്തിച്ച് പ്രതിഷേധിച്ചത്. നെയ്യാറ്റിൻകര ഉദയൻകുളങ്ങരയിൽ ബിജെപിയുടെ നേതൃത്വത്തിലാണ് പ്രതിഷേധം സംഘടിപ്പിച്ചത് .

വാണിയമ്പാറയിൽ ബസ് കാത്തു നിന്നവരെ കാറിടിച്ച് തെറിപ്പിച്ചു. ഒരാൾക്ക് ദാരുണാന്ത്യം, മൂന്ന് പേർക്ക് പരിക്കേറ്റു. വടക്കഞ്ചേരി - മണ്ണുത്തി ദേശീയപാത വാണിയമ്പാറയിലാണ് അപകടം. വാണിയംപാറ പൊട്ടിമട സ്വദേശി അബ്ദുൽ റസാക്ക് ആണ് മരിച്ചത്. തൃശൂർ ദിശയിലേക്ക് പോവുകയായിരുന്ന കാർ നിയന്ത്രണം വിട്ട് ഇടിച്ചു കയറുകയായിരുന്നു.

പെരുമ്പാവൂരിലെ 18 കോടിയുടെ ഹൈബ്രിഡ് കഞ്ചാവ് വേട്ട. മുഖ്യ പ്രതി എൻ.കെ. ജൈസലിനെതിരെ റെഡ് കോർണർ നോട്ടീസ് പുറത്തിറക്കാനുള്ള നടപടി തുടങ്ങി. കേസിൻ്റെ കുറ്റപത്രം പൊലീസ് ഉടൻ കോടതിയിൽ സമർപിക്കും. സിബിഐ വഴിയാകും റെഡ് കോർണർ നോട്ടീസിനായി ഇൻ്റർ പോളിനെ സമീപിക്കുക.

സംസ്ഥാനത്തെ ലഹരി മാഫിയയെ പൂട്ടാൻ എക്സൈസ് ഡിജിറ്റലാകുന്നു. സൈബർ കുറ്റകൃത്യങ്ങൾ കണ്ടെത്താൻ എക്സൈസിൻ്റെ സ്വന്തം സൈബർ സെല്ലിൻ്റെ പ്രവർത്തനം ഉടൻ ആരംഭിക്കും. പുതിയതായി ആരംഭിക്കുന്ന സ്റ്റേറ്റ് നാർക്കോട്ടിക് കൺട്രോൾ ബ്യൂറോയുടെ ഭാഗമായിട്ടായിരിക്കും സൈബർ സെൽ പ്രവർത്തിക്കുക. ഇനി പൊലീസിൻ്റെ സഹായമില്ലാതെ എക്സൈസിന് നേരിട്ട് വിവരങ്ങൾ ശേഖരിക്കാൻ കഴിയും.

സിപിഐഎം വിപുലീകൃത സംസ്ഥാന കമ്മിറ്റിക്ക് കോഴിക്കോട് തുടക്കം. മുതിർന്ന സിപിഐഎം നേതാവ് പാലോളി മുഹമ്മദ് കുട്ടി പതാക ഉയർത്തി. തെരഞ്ഞെടുപ്പ് പരാജയവും തിരുത്തൽ നടപടികളും സംബന്ധിച്ച കരട് റിപ്പോർട്ട് അവതരിപ്പിക്കും. സംസ്ഥാന, ജില്ലാ നേതാക്കൾ ഉൾപ്പെടെ 307 പ്രതിനിധികളാണ് യോഗത്തിൽ പങ്കെടുക്കുന്നത്.

സിപിഐഎം വിപുലീകൃത സംസ്ഥാന സമിതിയിൽ അംഗങ്ങൾക്ക് മുന്നറിയിപ്പ് നൽകി ജനറൽ സെക്രട്ടറി എം.എ. ബേബി. പാർട്ടിയുടെ പോരായ്മകളും ജാഗ്രത കാട്ടേണ്ട മേഖലകളും ഊന്നിപ്പറഞ്ഞ് സിപിഐഎം വിപുലീകൃത സംസ്ഥാന സമിതിയിൽ എം.എ.ബേബിയുടെ ഉദ്ഘാടന പ്രസംഗം. സിപിഐഎം വിരുദ്ധ വ്യാജ പ്രതീതി നിർമാണം വേണ്ടത്ര ശ്രദ്ധിച്ചോ എന്ന് പരിശോധിക്കണം. കഴിഞ്ഞ തെരഞ്ഞെടുപ്പിലെ പോരായ്മ എല്ലാം തിരിച്ചറിഞ്ഞു. മാധ്യമങ്ങൾക്ക് മനോരോഗം ബാധിച്ച പോലെ മാർക്സിസ്റ്റ് വിരുദ്ധത എന്നും ജനറൽ സെക്രട്ടറി പറഞ്ഞു.

സിപിഐഎം നേതാക്കളുടെ ഭാര്യമാർക്ക് ജോലി വാങ്ങി നൽകിയെന്ന ആരോപണവുമായി ജി. സുധാകരൻ എംഎൽഎ. എച്ച്. സലാമിൻ്റെയും പി.പി. ചിത്തരഞ്ജൻ്റെയും ഭാര്യമാർക്ക് സർക്കാർ ജോലി നൽകി. സഹകരണ വകുപ്പിന് കീഴിൽ ജോലി നൽകിയിട്ടുണ്ടെന്നാണ് പൊതുവേദിയിലെ വെളിപ്പെടുത്തൽ. എന്നിട്ടാണ് അവരിപ്പോൾ തനിക്കെതിരെ പറയുന്നത്. മാധ്യമങ്ങൾ ഇതുമാത്രം കാണുന്നില്ലെന്നും വിമർശനം.ആലപ്പുഴയിലെ മാധ്യമങ്ങൾ തനിക്ക് എതിരാണെന്നും ജി. സുധാകരൻ പറഞ്ഞു.

കണ്ണൂർ ഇരിട്ടി കീഴ്പള്ളിയിൽ കാട്ടുപന്നിയുടെ ആക്രമണം. അത്തിക്കൽ സുജാതക്ക് പന്നിയുടെ കുത്തേറ്റു. വീട്ടു പറമ്പിൽ കപ്പ പറിക്കുന്നതിനിടെയാണ് കാട്ടു പന്നിയുടെ അക്രമണമുണ്ടായത്. ഗുരുതരമായി പരിക്കേറ്റ സുജാതയെ ആശുപത്രിയിൽ പ്രവേശിപ്പിച്ചു.

ഇന്തോനേഷ്യയിൽ ഉണ്ടായ ബോട്ട് അപകടം ഒരാൾ മരിച്ചു. 102 പേരെ രക്ഷപ്പെടുത്തി.മോശം കാലാവസ്ഥയെത്തുടർന്ന് ബോട്ട് അപകടത്തിൽപ്പെട്ടത് ഇന്ന് പുലർച്ചെ. അപകടത്തിൽപ്പെട്ടത് 'വിർഗോ ട്രാസ്പോർട്ട് 8 ഫെറി എന്ന ബോട്ട്.

ഹോക്കി ടീമിന്‍റെ ജേഴ്സിയുടെ നിറം ഓറഞ്ച് ആക്കിയതിനെതിരെ ഹോക്കി ഇന്ത്യ ഡയറക്ടര്‍ ജനറലിനെ ചുമതലകളില്‍ നിന്ന് നീക്കി. കാരണം കാണിക്കല്‍ നോട്ടിസും നല്‍കി. നാലാഴ്ചയ്ക്കകം വിശദീകരണം നല്‍കണം എന്ന് ഹോക്കി ഇന്ത്യ പ്രസിഡൻ്റിന് നൽ

ലോക ചാമ്പ്യന്‍ഷിപ്പിന് അനുമതിയില്ലാതെ പോയെന്നും ആരോപണം

വിപുലീകൃത സംസ്ഥാന കമ്മിറ്റിയെ വിമർശിച്ച് ആർഎംപി നേതാവ് കെ.കെ. രമ. ടിപി ചന്ദ്രശേഖരനെ കൊലപ്പെടുത്തിയ തെറ്റ് ഏറ്റ് പറയുമോയെന്ന് രമ ചോദിച്ചു. ടിപിയെ കൊലപ്പെടുത്തിയത് തെറ്റുകൾക്കെതിരെ വിട്ടുവീഴ്ചയില്ലാതെ വിരൽ ചൂണ്ടിയതിന് എന്നും രമ ആരോപിച്ചു.

സംസ്ഥാനത്തെ വൈദ്യുതി പ്രതിസന്ധിയെ തുടർന്ന് ഉത്തരേന്ത്യൻ സംസ്ഥാനങ്ങളുടെ സഹായം തേടി കെഎസ്ഇബി. ബോര്‍ഡ് ഡയറക്ടര്‍മാര്‍ നാളെ ഉത്തരേന്ത്യയിലെ വിവിധ സംസ്ഥാനങ്ങളിലേക്ക് തിരിക്കും. അവിടുത്തെ ഉദ്യോഗസ്ഥരുമായി നേരിട്ട് ചര്‍ച്ച നടത്തും. ആവശ്യമുള്ള വൈദ്യുതി ഉറപ്പാക്കുകയാണ് ലക്ഷ്യം. മഹാരാഷ്ട്ര, യുപി, പഞ്ചാബ് ,ബീഹാര്‍ എന്നീ സംസ്ഥാനങ്ങളിലാണ് സന്ദർശനം. രാവിലെ ചേര്‍ന്ന ഉന്നത തലയോഗത്തിലാണ് തീരുമാനം.

തിരുവനന്തപുരത്ത് നിയന്ത്രണം വിട്ട കാർ വിമാനത്താവളത്തിന്റെ മതിൽ തകർത്തു. ശങ്കുമുഖം പോലീസ് സ്റ്റേഷന് സമീപത്തെ വളവിലാണ് അപകടമുണ്ടായത്. കാർ യാത്രക്കാരായ മൂന്ന് പേരെ നേരിയ പരിക്കുകളോടെ ആശുപത്രിയിൽ പ്രവേശിപ്പിച്ചു. തിരുവനന്തപുരം സ്വദേശികളായ കവിത, ആകാശ്, മെറിൻ എന്നിവരെയാണ് ആശുപത്രിയിൽ പ്രവേശിപ്പിച്ചത്. വെൺപാലവട്ടത്തു നിന്നും ശങ്കുമുഖത്തേക്ക് വാടക വീട് മാറുന്നതിനിടെയാണ് അപകടമുണ്ടായത്. വാഹനം ഓടിച്ചിരുന്ന മനു എന്ന യുവാവിനെ പോലീസ് കസ്റ്റഡിയിൽ എടുത്തിട്ടുണ്ട്. കാർ അമിത വേഗതയിൽ ആയിരുന്നോ എന്നതുൾപ്പെടെയുള്ള കാര്യങ്ങൾ പോലീസ് പരിശോധിക്കുന്നു.

മലപ്പുറം വട്ടംകുളത്ത് റോഡിന് പഞ്ചായത്ത് അനുമതിയില്ലാതെ സ്വകാര്യ കുടുംബത്തിന്റെ പേര് നൽകിയത് ചോദ്യം ചെയ്ത യുവാക്കൾക്ക് നേരെ വടിവാൾ ആക്രമണം. വട്ടംകുളം പഞ്ചായത്തിലെ രണ്ടാം വാർഡിലാണ് പട്ടാപ്പകൽ ഭീകരാന്തരീക്ഷം സൃഷ്ടിച്ച് അക്രമികൾ അഴിഞ്ഞാടിയത്. റോഡിന് പേര് നൽകി ബോർഡ് സ്ഥാപിച്ചതുമായി ബന്ധപ്പെട്ട് വാർഡ് ഗ്രൂപ്പിലുണ്ടായ തർക്കമാണ് അക്രമത്തിൽ കലാശിച്ചത്. ചേലേപറമ്പിൽ കുടുംബത്തിലെ മുസ്തഫ, മുഹമ്മദലി എന്നിവർ ചേർന്നാണ് വടിവാൾ വീശി വെട്ടിപ്പരിക്കേൽപ്പിച്ചതെന്ന് മർദ്ദനമേറ്റവർ പറയുന്നു. ആക്രമണത്തിൽ പരിക്കേറ്റ മൂന്ന് യുവാക്കളെ പൊന്നാനി താലൂക്ക് ആശുപത്രിയിൽ പ്രവേശിപ്പിച്ചു.

കൊല്ലം അഞ്ചലിൽ ഏഴാം ക്ലാസ് വിദ്യാർത്ഥിയെ അധ്യാപകൻ മർദിച്ച സംഭവത്തിൽ സ്വമേധയാ കേസെടുത്ത് ബാലവകാശ കമ്മീഷൻ. കരുകോണിൽ പ്രവർത്തിക്കുന്ന ട്യൂട്ടോറിയയിലെ അധ്യാപകൻ സൂഫിയാനെതിരെയാണ് കേസെടുത്തത്. ആക്ടിംഗ് ചെയർപേഴ്സൺ സിസിലി ജോസഫിൻ്റേതാണ് നടപടി. അഞ്ചൽ പോലീസ് സ്റ്റേഷൻ എസ് എച്ച് ഒയോടും ജില്ലാ ശിശു സംരക്ഷണ ഓഫീസറോടും കമ്മീഷൻ റിപ്പോർട്ട് തേടിയിട്ടുമുണ്ട്. കഴിഞ്ഞ ദിവസമാണ് കരുകോണിലെ ഫോക്കസ് ട്യൂഷൻ സെൻ്റർ അധ്യാപകൻ സൂഫിയാൻ 12 വയസ്സുള്ള പെൺകുട്ടിയെ ക്രൂരമായി മർദ്ധിച്ചത്. പുസ്തകം വായിച്ചപ്പോൾ വാക്കുകൾ തെറ്റിയതാണ് പരാക്രമത്തിന് കാരണം. കുട്ടിയുടെ രക്ഷിതാക്കളുടെ പരാതിയിൽ കേസെടുത്ത പോലീസ് ഒളിവിലുള്ള അധ്യാപകനെ കണ്ടെത്താനുള്ള ശ്രമത്തിലാണ്.

ഹജ്ജ് തീർത്ഥാടനത്തിനായുള്ള മെഡിക്കൽ സർട്ടിഫിക്കറ്റ് സമർപ്പിക്കാനുള്ള തീയതി നീട്ടണമെന്ന് ആവശ്യപ്പെട്ട് കേന്ദ്രത്തിന് കത്തയച്ച് സംസ്ഥാന സർക്കാർ. ഹജ്ജ് കമ്മിറ്റി ഓഫ് ഇന്ത്യ നിഷ്കർഷിച്ചിട്ടുള്ള മെഡിക്കൽ സ്ക്രീനിങ് സർട്ടിഫിക്കറ്റ് ഈ മാസം 15 നകം സമർപ്പിക്കണം. കേരളത്തിൽ നിന്നും തെരഞ്ഞെടുക്കപ്പെട്ടിട്ടുള്ള ഹാജിമാരിൽ ഭൂരിഭാഗം പേരും വിദേശത്ത് ജോലി ചെയ്യുന്നവരാണ്. വിദേശത്തെ സ്ഥാപനങ്ങളിൽ നിന്നും സർട്ടിഫിക്കറ്റ് ലഭ്യമാക്കുന്നതിൽ കാലതാമസം നേരിടുന്നതായി പരാതി ഉയർന്ന പശ്ചാത്തലത്തിലാണ് സർക്കാർ നടപടി. തീയതി നീട്ടാൻ അടിയന്തര നടപടി കേന്ദ്രം സ്വീകരിക്കണം. പ്രവാസികളായ ഹാജിമാർക്ക് സർട്ടിഫിക്കറ്റ് നൽകാൻ പ്രത്യേക സമയപരിധി അനുവദിക്കണമെന്നും മന്ത്രി എൻ ഷംസുദ്ദീൻ കേന്ദ്രമന്ത്രി കിരൺ റിജിജുവിന് അയച്ച കത്തിൽ ആവശ്യപ്പെട്ടു.

വൈദ്യുതി പ്രതിസന്ധി പരിഹരിക്കാൻ എല്ലാ ശ്രമവും നടത്തുന്നുണ്ടെന്ന് വൈദ്യുതി മന്ത്രി സണ്ണി ജോസഫ്. വൈദ്യുതി ലഭ്യത കുറവ് എല്ലാ സംസ്ഥാനത്തുമുണ്ട്. കഴിഞ്ഞ വർഷത്തേക്കാൾ ആയിരം മെഗാവാട്ടാണ് ഉപയോഗമാണ് ഈ വര്‍ഷമുള്ളത്. അതിനനുസരിച്ച് ഉൽപ്പാദനം നടത്തുന്നില്ല. വൈദ്യുതി കൂടുതൽ വില കൊടുത്ത് വാങ്ങാനാണെങ്കിൽ അതിനുള്ള ആലോചന നടത്തുമെന്നും സണ്ണി ജോസഫ് മാധ്യമങ്ങളോട് പറഞ്ഞു. വൈദ്യുതി പ്രതിസന്ധി പുതിയ നയം വേണമെന്നും മന്ത്രി കൂട്ടിച്ചേര്‍ത്തു.

ബ്രിക്സ് ഉച്ചകോടിക്കെത്തിയ നേതാക്കൾക്ക് സസ്യഭക്ഷണം മാത്രം വിളമ്പിയതിനെതിരെ പരോക്ഷ വിമർശനവുമായി പ്രതിപക്ഷ നേതാവ് രാഹുൽ ​ഗാന്ധി. ഇന്ത്യക്കാരിൽ 80 ശതമാനം ആളുകളും നോൺ-വെജിറ്റേറിയൻ ഭക്ഷണം കഴിക്കുന്നവരാണെന്നും ഇന്ത്യൻ നോൺ-വെജിറ്റേറിയൻ ഭക്ഷണം എൻ്റെ സഹോദരി ഉണ്ടാക്കുന്ന ചോലെ ബട്ടൂരെ പോലെ തന്നെ വളരെ രുചികരമാണെന്നും രാഹുൽ സോഷ്യൽമീഡിയയിൽ കുറിച്ചു.

സംസ്ഥാനത്ത് ഇന്ന് വൈദ്യുതി നിയന്ത്രണം ഉണ്ടായേക്കില്ല. 1024 മെഗാവാട്ട് വൈദ്യുതി ലഭിച്ചുവെന്ന് കെഎസ്ഇബി അറിയിച്ചു. യൂണിറ്റിന് 10 രൂപ നിരക്കിലാണ് വൈദ്യുതി ലഭ്യമായത്. നിലവിലെ സാഹചര്യത്തിൽ നിയന്ത്രണം വേണ്ടിവരില്ലെന്ന് കെഎസ്ഇബി.

സമസ്ത എ.പി വിഭാഗം നേതാക്കളുമായി കൂടിക്കാഴ്ച നടത്തി മുസ്ലിംലീഗ് സംസ്ഥാന അധ്യക്ഷൻ പാണക്കാട് സാദിഖലി ശിഹാബ് തങ്ങളും പി.കെ കുഞ്ഞാലിക്കുട്ടിയും. കാന്തപുരം എ.പി അബുബക്കർ മുസ്ലിയാർ, SYS സംസ്ഥാന പ്രസിഡൻ്റ് അബ്‌ദുൽ ഹക്കീം അസ്ഹരി, കേരള മുസ്ലിം ജമാഅത്ത് സംസ്ഥാന ജനറൽ സെക്രട്ടറി ഖലിൽ ബുഹാരി തങ്ങൾ എന്നിവരാണ് കൂടികാഴ്ചയിൽ പങ്കെടുത്തത്. കാരന്തൂർ മർക്കസിലായിരുന്നു കൂടിക്കാഴ്ച.

പാർട്ടിയും ജനങ്ങളുമായുള്ള അകൽച്ച വളർന്നെന്ന് സിപിഐഎം വിപുലീകൃത സംസ്ഥാന സമിതിയിൽ വിമർശനം. ജനങ്ങളുമായി അടുക്കാൻ നടപടി സ്വീകരിക്കണം. സോഷ്യൽ മീഡിയയിൽ പാർട്ടിയും നേതാക്കളും കൂടുതൽ സജീവമാകണം എന്നും പൊതുചർച്ചയിൽ അഭിപ്രായം ഉയർന്നു. ഇന്ന് പൊതു ചർച്ചയിൽ ആറ് പേരാണ് സംസാരിച്ചത്. പൊതുചർച്ച നാളെയും തുടരും.

ആലപ്പുഴ കായംകുളം കെപി റോഡിൽ അച്ഛനൊപ്പം യാത്ര ചെയ്ത പത്തു വയസുകാരി ബൈക്ക് ഇടിച് മരിച്ചു. ചെട്ടികുളങ്ങര സ്വദേശിനി ശ്രീഭദ്രയാണ് ഇന്ന് രാത്രി 7മണിയോടെ നടന്ന അപകടത്തിൽ മരിച്ചത്. അരൂരിലേക്ക് പോവുകയായിരുന്നു ഹരിശ്രീയെന്ന സ്വകാര്യ ബസാണ് ശ്രീഭദ്രയെ ഇടിച്ചത്. ഉടൻ തന്നെ അടുത്തുള്ള സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാൻ സാധിച്ചില്ല. ബസ്സിന്റെ അമിതവേഗതയും അശ്രദ്ധയുമാണ് അപകടകാരണമെന്ന് നാട്ടുകാർ ആരോപിച്ചു.