നാളെ മുതൽ മൂന്ന് ദിവസത്തേക്ക് പ്രഖ്യാപിച്ച ബാങ്ക് പണിമുടക്ക് മാറ്റിവെച്ചു

മലമ്പുഴയിൽ മദ്യപാനത്തിനിടെ വാക്കുതര്‍ക്കം. പാലക്കാട് മലമ്പുഴയിൽ രണ്ടാനച്ഛനെ മകൻ കുത്തിക്കൊന്നു. മലമ്പുഴ ആനകല്ല് കുരുത്തിക്കടവ് സ്വദേശി വിനോദാണ് കൊല്ലപ്പെട്ടത്. മകൻ സതീഷ് ഒളിവിൽ. വീണ്ടും സതീഷ് മദ്യം ചോദിച്ചതാണ് തർക്കത്തിന് കാരണം.

ഇന്ത്യ- വെസ്റ്റ് ഇൻഡീസ് ഒന്നാം ഏകദിനം ഇന്ന് തിരുവനന്തപുരത്ത് നടക്കും. ഉച്ചയ്ക്ക് രണ്ട് മണിക്കാണ് മത്സരം. രോഹിത് ശർമയുടെയും വിരാട് കോലിയുടെയും ബാറ്റിംഗിൽ പ്രതീക്ഷയോടെ ഇന്ത്യ.

ഓണം ബംപർ ഭാഗ്യശാലിയെ തേടി കേരളം. ഒന്നാംസമ്മാനമായ 30 കോടി കണ്ണൂർ തളിപ്പറമ്പിലെ സുജിത് വിറ്റ ടിക്കറ്റിന്. ടിക്കറ്റ് വാങ്ങിയ ആളെ അറിയില്ലെന്ന് സുജിത് പറഞ്ഞു. തളിപ്പറമ്പിലോ സമീപ പ്രദേശങ്ങളിലോ ഉള്ള ആളെന്ന് സംശയം.

തലസ്ഥാനത്ത് വീണ്ടും വൻ എംഡിഎംഎ വേട്ട. 105 ഗ്രാം എംഡിഎംഎയുമായി 2 യുവാക്കൾ പിടിയിൽ. ആകാശ്, അരവിന്ദ് എന്നിവരാണ് എക്സൈസിൻ്റെ പിടിയിലായത്. ബംഗളൂരുവിൽ നിന്ന് എത്തിച്ച ലഹരിമരുന്നാണെന്ന് എക്സൈസ് അറിയിച്ചു.

സിപിഐഎമ്മിൻ്റെ വിപുലീകൃത ജില്ലാ കമ്മിറ്റി യോഗം ആലപ്പുഴയിൽ തുടരുന്നു. ജില്ലയിലെ വിഭാഗീയതയും നേതൃത്വത്തിൻ്റെ പോരായ്മകളും യോഗത്തിൽ ചർച്ചയ്ക്ക് വരും. ജില്ലാ കമ്മിറ്റിയിലും സെക്രട്ടറിയേറ്റിലും അഴിച്ചുപണിക്ക് സാധ്യത. നിർണായക യോഗത്തിൽ പിണറായി വിജയൻ ഇന്നും പങ്കെടുക്കും.

കേരളത്തിൽ സുപ്രധാന ചുവടുവെപ്പിന് കോക്രോച്ച് ജനതാ പാർട്ടിയുടെ സംസ്ഥാന കമ്മിറ്റി പ്രഖ്യാപനവും പ്രവർത്തക സംഗമവും ഇന്ന് കൊച്ചിയിൽ. ദേശീയ ഭാരവാഹികൾ പങ്കെടുക്കും. ജില്ലാ ഘടകങ്ങൾ രൂപീകരിക്കുന്നതിൽ ഉൾപ്പെടെ നിർണായക ചർച്ച.

നാളെ മുതൽ മൂന്ന് ദിവസം ബാങ്ക് പണിമുടക്കായതിനാൽ ഇന്ന് പ്രവൃത്തിദിനം. എടിഎം ഉപയോഗിക്കുന്നതിനുള്ള പരിധിയും ചാർജും മൂന്ന് ദിവസത്തേക്ക് ഒഴിവാക്കി. എടിഎമ്മുകളിൽ പണം ഉറപ്പാക്കുമെന്ന് ബാങ്കുകൾ. പണിമുടക്ക് ദിവസങ്ങളിൽ ഓൺലൈൻ ഇടപാടുകൾ മുടങ്ങില്ല.

ഏഷ്യൻ ഗെയിംസിൽ ഏട്ടാം ദിനവും മെഡൽ പ്രതീക്ഷയിൽ ഇന്ത്യ. ലോങ്ജംപിൽ മെഡൽ ലക്ഷ്യമിട്ട് മലയാളി താരം ആൻസി സോജൻ ഇന്നിറങ്ങും. സ്ക്വാഷിൽ ഇന്ത്യക്ക് സ്വർണപ്രതീക്ഷ...

ഷൂട്ടിങ്ങിൽ മെഡൽ പ്രതീക്ഷയുമായി മനു ഭാക്കർ റേഞ്ചിലേക്കെത്തും... ബോക്സിങ്, ഭാരോദ്വഹനം അടക്കമുള്ള ഇനങ്ങളിലും ഇന്ത്യക്ക് പ്രതീക്ഷ....

കൊല്ലം അഞ്ചലിൽ 49 കാരിയെ തീ കൊളുത്തി കൊലപ്പെടുത്താൻ ശ്രമം. കൂടെ താമസിച്ച് വന്നിരുന്ന ആൺ സുഹൃത്താണ് കൊലപ്പെടുത്താൻ ശ്രമിച്ചത്. ഗുരുതരമായി പൊള്ളലേറ്റ ലിസിയെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ആൺസുഹൃത്ത് കല്ലമ്പലം സ്വദേശി റെജിയെ പൊലീസ് കസ്റ്റഡിയിലെടുത്തു.

ആഡംബര വാഹന യാത്രാ വിവാദത്തിന് വിശദീകരണവുമായി മന്ത്രി കെ.എം. ഷാജി. സ്വകാര്യ വാഹനം സർക്കാർ ആവശ്യത്തിന് ഉപയോഗിക്കാം. ചട്ടം അറിയാതെ ചട്ടമ്പിത്തരം പറയരുത്. റേഞ്ച് റോവറിന് മുന്നിൽ നിൽക്കുന്ന ചിത്രം വ്യാജമാണെന്നും കെ.എം. ഷാജി പറഞ്ഞു.

കെഎസ്ആർടിസി ബസ് കയറിയിറങ്ങി സ്കൂട്ടർ യാത്രിക മരിച്ചു.തിരുവനന്തപുരം ചാന്നാങ്കരയിലാണ് സംഭവം. ചാന്നാങ്കര സ്വദേശി രാജിമോൾ ആണ് മരിച്ചത്. കെഎസ്ആർടിസി ബസിനെ ഓവർടേക്ക് ചെയ്യുന്നതിനിടെ എതിരെ വന്ന മിനി ലോറിയിലും ബസിലും തട്ടി സ്‌കൂട്ടർ വീഴുകയായിരുന്നു. മൃതദേഹം ചിറയിൻകീഴ് താലൂക്ക് ആശുപത്രി മോർച്ചറിയിലേക്ക് മാറ്റി.

ആഭ്യന്തര മന്ത്രി രമേശ്‌ ചെന്നിത്തലക്ക് നേരെ യുവമോർച്ചയുടെ കരിങ്കൊടി പ്രതിഷേധം. കുറ്റ്യാടി ജാനകിക്കാട് വെച്ചായിരുന്നു പ്രതിഷേധം. കേന്ദ്ര ആഭ്യന്തര മന്ത്രി അമിത് ഷായെ കരിങ്കൊടി കാണിച്ചതിൽ പ്രതിഷേധിച്ചായിരുന്നു കരിങ്കൊടി പ്രതിഷേധം. പ്രതിഷേധക്കാരെ പൊലീസ് അറസ്റ്റ് ചെയ്ത് നീക്കി.

കള്ളക്കടൽ പ്രതിഭാസത്തെ തുടർന്ന് ആലപ്പുഴ ആറാട്ടുപുഴയിൽ ഗതാഗതം തടസപ്പെട്ടു. തീരദേശ റോഡിൽ മണ്ണും ചെളിയും നിറഞ്ഞു. ഇന്നലെ രാത്രിയോടെയാണ് കടൽ കയറിയത്. കടൽ കയറുന്നത് കൊണ്ട് റോഡ് ഗതാഗതം നിരന്തരം തടസപ്പെടുന്നതായി നാട്ടുകാർ ആരോപിച്ചു.

എൻഎസ്എസ് ജനറൽ സെക്രട്ടറി ജി. സുകുമാരൻ നായർക്കെതിരെ കെ. ബി. ഗണേഷ്കുമാർ രംഗത്ത്. എൻഎസ്എസിനെ ദുഷ്ടൻ്റെയും ഭീരുവിൻ്റെയും കൈയിൽ നിന്നും രക്ഷിക്കണം. നക്കാപ്പിച്ച കണ്ട് നായര് വീഴരുത്. കൂടെ നിൽകുന്നവരുടെ കഴുത്തിന് കത്തി വെക്കുന്നവരാണ് ഇന്ന് എൻഎസ്എസിൻ്റെ നേതൃസ്ഥാനത്ത് ഉള്ളതെന്നും ഗണേഷ് പരിഹസിച്ചു. പ്രൊഫസർ ആകാൻ യോഗ്യത ഇല്ലാത്ത സുകുമാരൻ നായരുടെ മകൾ ആണ് ഇന്ന് എൻഎസ്എസ് കോളജുകൾ ഭരിക്കുന്നതെന്നും ഗണേഷ് കുമാർ ആരോപിച്ചു.

കോഴിക്കോട് കുറ്റ്യാടി നടുപ്പൊയിലിൽ തെരുവ് നായയുടെ ആക്രമണം. വീട്ടമ്മയ്ക്ക് കടിയേറ്റു. പാറക്കൽ നാരായണിക്കാണ് കടിയേറ്റത്. ഇന്നലെ വൈകീട്ട് വീട്ടിലേക്ക് കയറുമ്പോൾ പിന്നിൽ നിന്ന് ആക്രമിക്കുകയായിരുന്നു. പരിക്കേറ്റ നാരായണി കോഴിക്കോട് മെഡിക്കൽ കോളേജിൽ ചികിത്സ തേടി.

തിരുവനന്തപുരം നെയ്യാറ്റിൻകരയിൽ ഗ്യാസ് പൊട്ടിത്തെറിച്ച് വീട് തകർന്നു. ആറാലുംമൂട് സ്വദേശി ഷിബുവിൻ്റെ വീട്ടിലാണ് ഇന്ന് രാവിലെയാണ് അപകടം ഉണ്ടായത്. ഗ്യാസ് കണക്ഷൻ വീടിനു പുറത്തായി നൽകിയിരുന്നതിനാൽ വൻ അപകടം ഒഴിവായി. അപകടസമയം വീട്ടിൽ ആളുകൾ ഉണ്ടായിരുന്നില്ല.

മന്ത്രി സഞ്ചരിക്കുന്ന ഏത് വാഹനത്തിലും മന്ത്രിയുടെ ബോർഡും പതാകയും വെക്കാമെന്ന മന്ത്രി കെ.എം. ഷാജിയുടെ വാദം തെറ്റ്. 1989-ലെ കേരള മോട്ടോർ വാഹന നിയമം ചട്ടം 92 എ പ്രകാരം, സ്വകാര്യ വാഹനങ്ങളിൽ അനുമതി ഇല്ലാതെ സർക്കാർ ബോർഡ് വയ്ക്കാൻ പാടില്ല. നമ്പരും ബോർഡും അനുവദിക്കുന്നത് സർക്കാർ വാഹനങ്ങൾക്ക് വേണ്ടിയാണ്. സ്വകാര്യ വാഹനങ്ങളിൽ അനുമതിയില്ലാതെ സർക്കാർ ബോർഡ് വയ്ക്കുന്നത് ചട്ടലംഘനമാണ്. മറ്റൊരു വാഹനത്തിൽ ഉപയോഗിക്കണമെങ്കിൽ മുഖ്യമന്ത്രിയുടെ അനുമതിയോടെ പൊതുഭരണ വകുപ്പ് ഉത്തരവ് ഇറങ്ങണം.

ഏഷ്യൻ ഗെയിംസ് സ്ക്വാഷിൽ ഇന്ത്യക്ക് വെള്ളി. പുരുഷ സിംഗിൾസ് ഫൈനലിൽ മലേഷ്യൻ താരത്തോട് അഭയ് സിങ് തോറ്റു.

എറണാകുളം കോതമംഗലം വാഹനാപകടത്തിൽ ദമ്പതികൾക്ക് ദാരുണാന്ത്യം. ഭൂതത്താൻകെട്ട് - വടാട്ടുപാറ റോഡിൽ ബസും സ്കൂട്ടറും കൂട്ടിയിടിച്ചായിരുന്നു അപകടം. കുട്ടമ്പുഴ, ഉരുളൻ തണ്ണി സ്വദേശികളായ ജോസ് (65), സൂസൻ (60) എന്നിവരാണ് മരിച്ചത്.

പൊതുഭരണ വകുപ്പിൻ്റെ വെബ് സൈറ്റ് ഹാക്ക് ചെയ്തു. gad.kerala.gov.in എന്ന വെബ്സൈറ്റാണ് ഹാക്ക് ചെയ്യപ്പെട്ടത്.Team BlackLeets എന്ന സംഘമാണ് ഹാക്കിംഗിന് പിന്നിൽ. പാകിസ്ഥാൻ്റെ ഫ്ലാഗ് പ്രദർശിപ്പിച്ചാണ് ഹാക്കിംഗ്.

വാഹനങ്ങൾ കൂട്ടിയിടിച്ചതിനെ തുടർന്ന് കാറിന് തീപിടിച്ചു. ചാലക്കുടി പോട്ട പനമ്പിള്ളി ജംഗ്ഷനിൽ ആണ് സംഭവം. ഇന്ന് ഉച്ചയ്ക്ക് 4 വാഹനങ്ങൾ ആണ് കൂട്ടിയിടിച്ചത്. കൂട്ടിയിടിച്ചു ഉണ്ടായ ആഘാതത്തിൽ കാറിന് തീപിടിക്കുകയായിരുന്നു. ചാലക്കുടിയിൽ നിന്നും ഫയർഫോഴ്സ് എത്തി തീയണച്ചു. തൃശൂർ പഴയന്നൂർ സ്വദേശി ശ്രീരാഗം വീട്ടിൽ വിനോദും കുടുംബവും ആണ് അപകടത്തിൽപ്പെട്ടത്. വാഹനാപകടത്തെ തുടർന്ന് എല്ലാവരും വാഹനത്തിൽ നിന്നും പുറത്തേക്കിറങ്ങി നിൽക്കുന്ന സമയത്താണ് വണ്ടി കത്തിയത്.

ലോട്ടറിക്ക് സമ്മാനം ലഭിച്ചില്ല കടയുടമയായ യുവതിയെ യുവാവ് കത്തി കൊണ്ട് കുത്തിപ്പരിക്കേൽപ്പിച്ചു. നെൻമേനി പഞ്ചായത്തിലെ നമ്പ്യാർകുന്ന് പൂങ്കാവനം ലോട്ടറി ഉടമ വിനീത രജീഷ് (32) നാണ് കുത്തേറ്റത്. സംഭവത്തിൻ തമിഴ്നാട് പാട്ടവയൽ സ്വദേശിയായ ശിവകുമാറിനെ നൂൽപ്പുഴ പൊലീസ് കസ്റ്റഡിയിൽ എടുത്തു. വിനീതയുടെ തലയ്ക്കും കഴുത്തിനുമാണ് കുത്തേറ്റത്. ഇവരെ സുൽത്താൻബത്തേരി താലൂക്ക് ആശുപത്രിയിൽ പ്രവേശിപ്പിച്ചു. ഇന്ന് രാവിലെ 11 മണിയോടെയാണ് സംഭവം.

മുഖ്യമന്ത്രിയുടെ മണ്ഡലത്തിൽ പ്രിയദർശിനി ബസിൽ പെൺകുട്ടി കണ്ടക്ടറുടെ അപമാനത്തിന് ഇരയായ സംഭവത്തിൽ നടപടിക്ക് നിർദേശം നൽകി മുഖ്യമന്ത്രി. കണ്ടക്ടർക്കെതിരെ വകുപ്പുതല നടപടി ഉണ്ടാകും. പെൺകുട്ടിയുടെ മൊഴി രേഖപ്പെടുത്തിയതിന് ശേഷം ഇന്നു തന്നെ പൊലീസ് കേസെടുക്കും.

തിരുവനന്തപുരം കാരക്കോണം മെഡിക്കല്‍ കോളേജില്‍ ഹൗസ് സര്‍ജന്‍സി വിദ്യാര്‍ഥികള്‍ക്ക് സെക്യൂരിറ്റി ജീവനക്കാരുടെ ക്രൂര മര്‍ദനം. കമ്പിപ്പാര കൊണ്ട് വളഞ്ഞിട്ട് അടിക്കുന്ന ദൃശ്യങ്ങൾ പുറത്ത്. വാഹന പാര്‍ക്കിംഗിനെ ചൊല്ലി ഉണ്ടായ തര്‍ക്കമാണ് മര്‍ദനത്തിലെത്തിയത്. സംഭവത്തിൽ വെളളട പൊലീസ് കേസെടുത്തു. രക്ഷകര്‍ത്താക്കളുടെ പരാതിയില്‍ 8 സെക്യൂരിറ്റി ജീവനക്കാരെ സസ്പെന്‍ഡ് ചെയ്തു.

ഏഷ്യൻ ഗെയിംസ് വനിതകളുടെ 200 മീറ്ററിൽ ഇന്ത്യയുടെ ഹരിത ഭദ്രയ്ക്ക് വെങ്കലം. 23.20 സെക്കൻഡിൽ ഫിനിഷ് ചെയ്താണ് ഹരിത മൂന്നാമതെത്തിയത്. സിംഗപുർ താരം ശാന്തി പെരെയ്‌ര സ്വർണവും ചൈനയുടെ യുജി ഷെൻ വെള്ളിയും നേടി.

ഏഷ്യൻ ഗെയിംസിൽ വെള്ളിത്തിളക്കവുമായി മലയാളി താരം ആൻസി സോജൻ. തുടർച്ചയായ രണ്ടാം ഏഷ്യൻ ഗെയിംസിലും ലോങ്ജംപിൽ വെള്ളി മെഡൽ നേടി താരം. അവസാന ശ്രമത്തിൽ ചൈനീസ് താരം ആൻസിയെ മറികടക്കുകയായിരുന്നു.ദശാംശം 2 മീറ്റർ വ്യത്യാസത്തിലാണ് ആൻസിക്ക് സ്വർണം നഷ്ടമായത്.

എറണാകുളം പറവൂരിൽ പ്രിയദർശിനി ബസിൽ വിദ്യാർഥിനിയെ അപമാനിച്ചുവെന്ന പരാതിയിൽ കണ്ടക്ടർക്കെതിരെ നടപടി. സിഎംഡിയുടെ നിർദ്ദേശപ്രകാരം കണ്ടക്ടറെ സസ്പെൻഡ് ചെയ്തു. കണ്ടക്ടറുടെ ഭാഗത്ത് നിന്ന് ഗുരുതര വീഴ്ചയുണ്ടായെന്നാണ് കണ്ടെത്തൽ...സംഭവത്തിൽ കണ്ടക്ടർക്കും കണ്ടാൽ അറിയാവുന്ന മൂന്ന് യാത്രക്കാർക്ക് എതിരെയും നോർത്ത് പറവൂർ പൊലീസ് കേസെടുത്തു. ബസ്സിൽ സമാനതകളില്ലാത്ത അപമാനം നേരിട്ടെന്നായിരുന്നു പെൺകുട്ടിയുടെ വെളിപ്പെടുത്തൽ. സ്വന്തം മണ്ഡലത്തിൽ നടന്ന സംഭവമായതിനാൽ പെൺകുട്ടിയുടെ പരാതിയിൽ കർശന നടപടി സ്വീകരിക്കാൻ മുഖ്യമന്ത്രി നിർദേശം നൽകിയിരുന്നു.

ഉത്തരാഖണ്ഡിലെ കേദാർനാഥിൽ മണ്ണിടിച്ചിൽ ഉണ്ടായതിനെ തുടർന്ന് മലയാളികൾ അടക്കം നിരവധി പേർ കുടുങ്ങി കിടക്കുന്നു. ഗൗരികുണ്ഠിന് സമീപമുള ഹെലിപാഡിന് അടുത്താണ് മണ്ണിടിച്ചിൽ ഉണ്ടായത്. പ്രദേശത്ത് ഇപ്പോഴും കനത്ത മഴ തുടരുകയാണ്.