കണ്ണൂർ അടക്കാത്തോട് ശാന്തിഗിരിയിൽ വീട്ടുമുറ്റത്ത് കാട്ടാന. അട്ടക്കുളം രാജൻ്റെ വീട്ടുമുറ്റത്താണ് ഇന്ന് പുലർച്ചെ കാട്ടാന എത്തിയത്.
പശ്ചിമേഷ്യൻ സംഘർഷം വീണ്ടും രൂക്ഷമാകുന്നു. ഇറാനിൽ യുഎസ് നടത്തിയ വ്യോമാക്രണത്തിൽ ഒരു കുട്ടി അടക്കം 4 പേർ കൊല്ലപ്പെട്ടു. വിവാഹചടങ്ങിനിടെ മിസൈൽ പതിച്ച് അൻപതിലധികം പേർക്ക് പരിക്ക്. കുവൈത്തിലും ബഹ്റൈനിലും യുഎസ് വ്യോമതാവളങ്ങളിൽ ഇറാൻ പ്രത്യാക്രമണം നടത്തി.
നേപ്പാൾ പ്രളയദുരന്തത്തിൽ മരണസംഖ്യ 1080 ആയി ഉയർന്നു. നാലായിരത്തിലേറെ പേർ ഇപ്പോഴും കാണാമറയത്താണ് ഉള്ളത്. കാണാതായവരിൽ അഞ്ഞൂറിലധികം വിദേശപൗരൻമാരും ഉൾപ്പെടും. ജലവൈദ്യുത പ്ലാൻ്റ് നിർമാണസ്ഥലത്ത് കുടുങ്ങിയവരെ രക്ഷിക്കാൻ തീവ്രശ്രമം തുടരുന്നു.
കോഴിക്കോട് കാർ നിയന്ത്രണം വിട്ട് മതിലിടിച്ച് തീപിടിച്ച് ഡ്രൈവർക്ക് ദാരുണാന്ത്യം. മരിച്ചത് ചേവായൂർ സ്വദേശി സുധാകരൻ. തീപിടിച്ച കാറിൽ കുടുങ്ങിപ്പോയ സുധാകരനെ രക്ഷിക്കാൻ നാട്ടുകാർ ശ്രമിച്ചെങ്കിലും ഫലമുണ്ടായില്ല.
കോഴിക്കോട് കാർ തീപിടിച്ച് ഡ്രൈവർ മരിച്ചതിൽ ദുരൂഹത. നിർണായ സിസിടിവി ദൃശ്യം പുറത്ത്. ഇറക്കത്തിൽ താഴെയെത്തിയ ശേഷമാണ് കാർ കാത്തിയത്. കാർ നിയന്ത്രണം വിട്ടിട്ടില്ല. കയറ്റത്തിൽ നിന്നും സാവധാനമാണ് താഴേക്ക് വരുന്നത്. ഇറക്കത്തിനു ശേഷം കാർ നിർത്തി സെക്കൻ്റുകൾക്കു ശേഷം കാർ പൊട്ടിത്തെറിച്ചു. ജീപ്പ് കോംപസ് കാറാണ് പൊട്ടിത്തെറിച്ചത്. മരിച്ച സുധാകരൻ റിയൽ എസ്റ്റേറ്റ് വാഹന കച്ചവടക്കാരനാണ്.
കാന്തപുരത്തിൻ്റെ സ്ത്രീവിരുദ്ധ പരാമർശം തള്ളി മുഖ്യമന്ത്രി വി.ഡി. സതീശൻ. പരാമർശം പുരോഗമന കേരള സമൂഹത്തിന് ചേരുന്നതല്ല കാന്തപുരത്തിൻ്റെ പ്രസ്താവനയെന്ന് മുഖ്യമന്ത്രി പറഞ്ഞു. ഇസ്ലാമിക ചരിത്രത്തെ തെറ്റായി വ്യാഖ്യാനിച്ചെന്നും മുഖ്യമന്ത്രി പറഞ്ഞു.
പ്രതിപക്ഷ ഉപനേതാവ് പദവി ഒഴിവാക്കാൻ സിപിഐഎമ്മിൽ ആലോചന. തൽക്കാലം പദവി ഒഴിച്ചിട്ട് വിവാദം ഒഴിവാക്കാനാണ് നീക്കം. സിപിഐ കടുത്ത നിലപാട് തുടരുന്നതോടെയാണ് പുതിയ ആലോചന. സിപിഐഎം പദവി ഏറ്റെടുക്കില്ലെന്ന് സിപിഐയെ അറിയിച്ചേക്കും.
ചാലക്കുടി എംഎൽഎയ്ക്കും കെപിസിസി സെക്രട്ടറിക്കുമെതിരെ കൈക്കൂലി ആരോപണത്തിൽ കേസെടുത്ത് അന്വേഷണം നടത്താൻ ഉത്തരവിട്ട് വിജിലൻസ് കോടതി. ചാലക്കുടി എംഎൽഎ സനീഷ് കുമാർ ജോസഫും കെപിസിസി സെക്രട്ടറി രാജേന്ദ്രൻ അരങ്ങത്തും കൈക്കൂലി ചോദിച്ചു എന്നാണ് ആരോപണം. കോൺഗ്രസ് പ്രവർത്തകനായിരുന്ന തൃശൂർ താണിക്കുടം സ്വദേശി ദേവേന്ദ്രൻ്റെ പരാതിയിലാണ് നടപടി. ദേവേന്ദ്രൻ്റെ ഭൂമിക്ക് പട്ടയം ലഭിക്കുന്നതിന് 5 ലക്ഷം രൂപ വേണമെന്ന് ആവശ്യപ്പെട്ടെന്ന് പരാതിക്കാരൻ. 2016 ൽ നടന്ന സംഭവത്തിന് പിന്നാലെ രാജേന്ദ്രൻ നിരവധി കേന്ദ്രങ്ങളിൽ പരാതി നൽകിയിരുന്നു. പരാതികൾക്ക് പിന്നാലെ കോടതിയെ സമീപിച്ചതോടെയാണ് പുതിയ എഫ്ഐആർ രജിസ്റ്റർ ചെയ്യാനും അന്വേഷണം നടത്താനും കോടതി ഉത്തരവിടുന്നത്.
സവാളയുടെ വിലക്കയറ്റത്തിന് പിന്നിൽ പൂഴ്ത്തിവെപ്പെന്ന് കൃഷി മന്ത്രി ടി. സിദ്ദിഖ് പറഞ്ഞു. വൻകിടക്കാരും ഇടനിലക്കാരും നാസിക്, മാണ്ടി, മൈസൂർ തുടങ്ങിയ സ്ഥലങ്ങളിൽ നിന്ന് സവാള വാങ്ങി പൂഴ്ത്തിവെച്ച് കൃത്രിമമായി വില വർദ്ധിപ്പിക്കുന്നു. വിലക്കയറ്റം സർക്കാർ വളരെ ഗൗരവത്തോടെെ കാണുന്നുവെന്നും മന്ത്രി പറഞ്ഞു.
എട്ട് മാസം പ്രായമുള്ള കുഞ്ഞിൻ്റെ ഡയപ്പറിൽ ഒളിപ്പിച്ചും സ്വർണക്കടത്ത്. കരിപ്പൂരിൽ ഒരു കോടി രൂപയുടെ സ്വർണം ഡിആർഐ പിടികൂടി. പിന്നീട് കുഞ്ഞിൻ്റെ പിതാവിൻ്റെ ദേഹത്ത് ഒളിപ്പിച്ച മിശ്രിത രൂപത്തിലുള്ള സ്വർണവും പിടികൂടി. റാസൽ ഖൈമയിൽ നിന്നു കരിപ്പൂരിൽ എത്തിയ പൊന്നാനി സ്വദേശിയുടെയും 8 മാസം പ്രായമുള്ള കുഞ്ഞിൻ്റെയും ദേഹത്തു നിന്നാണു സ്വർണം കണ്ടെടുത്തത്. രഹസ്യ വിവരത്തെ തുടർന്ന് കോഴിക്കോട് നിന്നെത്തിയ ഡിആർഐ സംഘമാണ് സ്വർണ്ണക്കടത്ത് കണ്ടെത്തിയത്.
അമൃതം പൊടിയിൽ പഞ്ചസാര ചേർക്കുന്നത് കുട്ടികളുടെ ആരോഗ്യത്തെ ബാധിക്കുമെന്ന ഉത്തരവുമായി ബാലാവകാശ കമ്മീഷൻ. പഞ്ചസാര ഒഴിവാക്കി കുറഞ്ഞ അളവിൽ ശർക്കര ഉൾപ്പെടുത്താൻ നിർദേശം. പോഷക ഘടന നിശ്ചയിക്കുന്നതിന് ഉന്നതതല കമ്മിറ്റി വേണം. വനിതാ ശിശു വികസന വകുപ്പ് ഡയറക്ടർ കമ്മിറ്റിക്ക് രൂപം നൽകണമെന്നും ഉത്തരവ്.
സെക്രട്ടറിയേറ്റിലേക്ക് എസ്എഫ്ഐ നടത്തിയ മാർച്ചിൽ സംഘർഷം. പൊലീസ് പ്രവർത്തകർക്ക് നേരെ ലാത്തി വീശി. പൊലീസും പ്രവർത്തകരും തമ്മിൽ ഉന്തും തള്ളും ഉണ്ടായി. ഇതിനിടെ പൊലീസിനോട് കയർത്ത് സംസാരിച്ച് നേതാക്കൾ. പ്രവർത്തകരെ അനുനയിപ്പിച്ച് സിപിഐഎം നേതാവ് വി.ശിവൻകുട്ടി. വി. ജോയ് എംഎൽഎയും സ്ഥലത്ത് എത്തിയിട്ടുണ്ട്. ആർഎസ്എസിനെതിരെ പ്രതിഷേധിച്ചതിന് യുഡിഎഫ് സർക്കാരിൻ്റെ പൊലീസ് നര നായാട്ട് അവസാനിപ്പിക്കുക എന്നെഴുതിയ ബാനർ സെക്രട്ടറിയേറ്റിൻ്റെ സമര ഗേറ്റിൽ പ്രവർത്തകർ കെട്ടി.
കൊല്ലം: കൊട്ടാരക്കര താലൂക്ക് ആശുപത്രിയിൽ രോഗിയോട് മോശമായി പെരുമാറിയ ഡോക്ടറെ സ്ഥലംമാറ്റി. ഡോക്ടർ രേഖ കൃഷ്ണനെ തെന്മല പ്രാഥമിക ആരോഗ്യ കേന്ദ്രത്തിലേക്കാണ് മാറ്റിയത്. ഡോക്ടറോട് നിർബന്ധിത അവധിയിൽ പോകാൻ ആരോഗ്യ വകുപ്പ് നിർദേശിച്ചിരുന്നു.