കോന്നിയിലെ ദുരിതബാധിത പ്രദേശങ്ങൾ സന്ദർശിക്കാത്തതിൽ മുഖ്യമന്ത്രിക്ക് എതിരെ കെ.യു. ജനീഷ് കുമാർ എംഎൽഎ. ജില്ലാ അവലോകന യോഗത്തെ കുറിച്ച് അറിയിച്ചില്ലെന്നും പരാതി. വകുപ്പ് മേധാവിമാരെ മാത്രമാണ് വിളിച്ചതെന്ന് മന്ത്രി പി.സി വിഷ്ണുനാഥ് അറിയിച്ചു. മുഖ്യമന്ത്രി സന്ദർശിച്ചത് കെടുതി രൂക്ഷമായ പ്രദേശങ്ങൾ മാത്രമാണെന്നും ജനീഷ് ആരോപിച്ചു.
യു പി ഐ വഴിയുള്ള ഇടപാടുകൾക്ക് ഫീസ് ഏർപ്പെടുത്താൻ കേന്ദ്ര സർക്കാർ നീക്കം. രണ്ടായിരം രൂപയ്ക്ക് മുകളിലുള്ള ബിസിനസ് ഇടപാടുകൾക്കാണ് ആദ്യഘട്ടത്തിൽ എംഡിആർ ഏർപ്പെടുത്തുക. 2007ലെ പേയ്മെൻ്റ് ആൻ്റ് സെറ്റില്മെൻ്റ് സിസ്റ്റംസ് ആക്ട് ഭേദഗതി വഴിയാണ് ഫീസ് ഈടാക്കുക. വ്യക്തികൾ തമ്മിലുള്ള ഇടപാടുകളിൽ ഫീസ് ബാധകമാകില്ല. കഴിഞ്ഞ ദിവസമാണ് ഭേദഗതി ബിൽ പാർലമെൻ്റ് പാസാക്കിയത്. ഇടപാടുകൾക്ക് 0.25% മുതൽ 0.4% വരെയാകും എംഡിആർ എന്ന പേരിൽ ഈടാക്കുക.
സാമൂഹ്യ മാധ്യമങ്ങളിലൂടെ അശ്ലീല ദൃശ്യങ്ങൾ പ്രചരിപ്പിച്ച കേസിൽ യൂട്യൂബർ തൊപ്പി എന്ന നിഹാദിൻ്റെ മുൻകൂർ ജാമ്യപേക്ഷ എറണാകുളം പ്രിൻസിപ്പൽ സെഷൻസ് കോടതി തീർപ്പാക്കി. തൊപ്പിക്കെതിരെ ചുമത്തിയിട്ടുള്ളത് ജാമ്യം ലഭിക്കാവുന്ന വകുപ്പുകൾ എന്ന നീരിക്ഷണത്തിലാണ് ഹർജി തീർപ്പാക്കിയത്. എറണാകുളം റൂറൽ പൊലീസാണ് കേസ് എടുത്തത്. നോട്ടീസ് നൽകിയിട്ടും ഹാജരാവാത്തതിനാൽ തൊപ്പിയെ അറസ്റ്റ് ചെയ്ത് ജാമ്യത്തിൽ വിടും.
സംസ്ഥാനത്ത് മഴക്കെടുതിയിൽ 26 മരണം പേർ മരിച്ചെന്ന് ദുരന്തനിവാരണ അതോറിട്ടി. കാണാതായ നാല് പേർക്കായി തെരച്ചിൽ നടക്കുന്നു. 53 വീടുകൾ പൂർണമായും തകർന്നു. ഇന്ന് ഒൻപത് ജില്ലകളിൽ ഓറഞ്ച് അലേർട്ടാണ് ഉള്ളത്.
രക്ഷാപ്രവർത്തനത്തിനിടെ മരിച്ച രാജേഷിന് ആദരം. സംസ്കാരം ബഹുമതികളോടെ നടത്തുമെന്ന് മുഖ്യമന്ത്രി വി.ഡി. സതീശൻ പറഞ്ഞു. വീടുകളിൽ വെള്ളം കയറിയ എല്ലാവർക്കും 10000 രൂപ വീതം നൽകും. മരണപ്പെട്ടവരുടെ സംസ്കാരത്തിന് 10,000 രൂപ. പൂർണമായും വീട് നഷ്ടപ്പെട്ടവർക്ക് 6 ലക്ഷം രൂപ നൽകുമെന്നും മുഖ്യമന്ത്രി പറഞ്ഞു. വീട് സ്ഥലവും നഷ്ടപ്പെട്ടവർക്ക് 12 ലക്ഷം രൂപയാക്കി. സ്വന്തം വീട്ടിലേക്ക് മടങ്ങുന്നതുവരെ താമസിക്കുന്ന വീടിന് വാടക സർക്കാർ നൽകും. വിള നാശത്തിനുള്ള നഷ്ടപരിഹാരം 25ശതമാനം വർധിപ്പിച്ചു. ധാരാളം കടകൾ വെള്ളം കയറി നശിച്ചു.ഓരോ കടക്കും 10000 രൂപ നൽകുമെന്നും മുഖ്യമന്ത്രി പറഞ്ഞു.
രാജ്യസഭയിൽ പ്രതിപക്ഷബഹളം. പൊലീസ് നടപടിയിൽ അമിത് ഷായുടെ പ്രസ്താവന ആവശ്യപ്പെട്ടാണ് ബഹളം. ബഹളത്തെ തുടർന്ന് ലോക്സഭ രണ്ട് മണിവരെ നിർത്തിവച്ചു.
കേന്ദ്രമന്ത്രി നിതിന് ഗഡ്കരിക്കും കുടുംബത്തിനുമെതിരായ പോസ്റ്റുകള് നീക്കാന് മെറ്റയ്ക്കും എക്സിനും ഗൂഗിളിനും നിര്ദേശം. ബോംബെ ഹൈക്കോടതിയാണ് നിർദേശം നൽകിയത്. ഇ20 എഥനോള് മിശ്രിത ഇന്ധന അഴിമതി ആരോപിച്ചായിരുന്നു പോസ്റ്റുകള്.
വിവാദ ഹെലികോപ്റ്റർ യാത്രയിൽ പരസ്പര വിരുദ്ധ വിശദീകരണവുമായി മുഖ്യമന്ത്രി വി.ഡി. സതീശൻ. നിക്ഷേപകരെ കൊച്ചിയിൽ വെച്ച് കണ്ടത് അവിടേക്ക് പോയത് കൊണ്ടെന്ന് ആണ് വി.ഡി സതീശൻ്റെ ഇന്നത്തെ വിശദീകരണം. ഹെലികോപ്റ്റർ യാത്ര നടത്തിയത് നിക്ഷേപരെ കാണാൻ വേണ്ടിയെന്നായിരുന്നു തിങ്കളാഴ്ചത്തെ പ്രതികരണം.
വിജയ് സർക്കാരിൻ്റെ ബജറ്റിന് പൂജ്യം മാർക്ക് എന്ന് പ്രതിപക്ഷനേതാവ് ഉദയനിധി സ്റ്റാലിൻ. സ്റ്റാലിൻ സർക്കാർ നടപ്പാക്കിയ പദ്ധതികൾ വെട്രി എന്ന പേര് നൽകി മാറ്റി അവതരിപ്പിക്കുകയാണെന്ന് ഉദയനിധി ആരോപിച്ചു. ഇത് പഴയ പദ്ധതി തന്നെയാണെന്നും ഉദയനിധി പറഞ്ഞു.
രക്ഷാപ്രവർത്തനത്തിനിടെ ഒഴുക്കിൽപ്പെട്ട് മരിച്ച രാജേഷിന് അന്തിമോപചാരം അർപ്പിക്കാൻ മുഖ്യമന്ത്രി വി.ഡി. സതീശനെത്തി. രാജേഷിൻ്റെ സംസ്കാരം ബഹുമതികളോടെ നടത്തുമെന്ന് വി.ഡി. സതീശൻ മന്ത്രിസഭായോഗത്തിന് ശേഷം വ്യക്തമാക്കിയിരുന്നു. തുരുത്തിൽ ഒറ്റപ്പെട്ടയാളെ രക്ഷപ്പെടുത്തുന്നതിനിടെയാണ് രാജേഷ് ഒഴുക്കിൽപ്പെട്ടത്.
നിഖാബ് നിരോധിക്കണമെന്ന് എഴുത്തുകാരൻ എം.എൻ. കാരശ്ശേരി. തട്ടമോ, ശിരോവസ്ത്രമോ ധരിക്കുന്നതിന് താനെതിരല്ല. നിക്കാബ് സ്ത്രീയെ കരിങ്കുപ്പായത്തിൽ കുഴിച്ചുമൂടുന്ന പണിയാണ് എന്നും കാരശ്ശേരി വിമർശിച്ചു. മുഖം മൂടുന്ന പർദ സ്ത്രീ വിരുദ്ധവും ഇസ്ലാമിക വിരുദ്ധവുമാണ്. നിഖാബ് വ്യക്തി സ്വാതന്ത്ര്യത്തേക്കാൾ നിയമപ്രശ്നമാണെന്നും അടുത്തിരിക്കുന്ന ആൾ ആരാണെന്ന് അറിയാൻ വ്യക്തികൾക്ക് അവകാശമുണ്ടെന്നും കാരശ്ശേരി വ്യക്തമാക്കി.