കുന്നംകുളത്ത് നിയന്ത്രണം വിട്ട സ്വകാര്യ ബസ് അഞ്ച് വാഹനങ്ങളിൽ ഇടിച്ച് ഉണ്ടായ അപകടത്തിൽ മരണം രണ്ടായി. സ്വകാര്യ ആശുപത്രിയിൽ എത്തിച്ച സ്ത്രീയും മരിച്ചു. സ്ത്രീയെ തിരിച്ചറിഞ്ഞിട്ടില്ല. ആശുപത്രിയിൽ എത്തുമ്പോഴേക്കും മരണം സംഭവിച്ചിരുന്നു. പെരുമ്പിലാവ് സ്വദേശിനിനെ 19 വയസ്സുള്ള റിയ, കാണി പയ്യൂർ സ്വദേശിനിയായ സ്ത്രീ എന്നിവരാണ് മരിച്ചത്. അപകടത്തിൽ പരിക്കേറ്റ നാലുപേരുടെ നില അതീവ ഗുരുതരമാണ്. കൂടാതെ 14 പേർ പരിക്കുകളോടെ, മലങ്കര, ദയറോയൽ ആശുപത്രി എന്നിവിടങ്ങളിൽ ചികിത്സയിലാണ്.
കുട്ടനാട്ടിലെ അനിയന്ത്രിത വെള്ളപ്പൊക്കം തടയാൻ കുട്ടനാട് എംഎൽഎയും സർക്കാരും സമ്പൂർണ പരാജയമാണെന്ന് സിപിഐഎം. സിപിഐഎം നേതൃത്വത്തിൽ മങ്കൊമ്പിൽ പ്രതിഷേധ സമരം നടത്തി. ജില്ലാകമ്മിറ്റി അംഗം കെ.കെ. അശോകൻ സമരം ഉദ്ഘാടനം ചെയ്തു. തോട്ടപ്പള്ളി സ്പിൽവേ പൊഴി മുറിക്കുന്നതുമായി ബന്ധപ്പെട്ട് സർക്കാരിന് വലിയ വിഴ്ച്ച ഉണ്ടായി. ചുമതല ഉള്ള മന്ത്രിമാർ തോട്ടപ്പള്ളി സ്പിൽവേ സന്ദർശിച്ചത് പോലും ഇന്നലെയാണെന്നും സിപിഐഎം ആരോപിച്ചു.
മുഖ്യമന്ത്രിക്കെതിരെ ഫേസ്ബുക്കിൽ അശ്ലീല സന്ദേശം ഇട്ട കേസിൽ ഒരാൾ അറസ്റ്റിൽ. ബേപ്പൂർ സ്വദേശി നിതിൻ കക്കാടത്ത് ആണ് അറസ്റ്റിലായത്. കോഴിക്കോട് സിറ്റി സൈബർ പൊലീസ് ആണ് അറസ്റ്റ് ചെയ്തത്.
സാമൂഹ്യക്ഷേമ പെൻഷൻ ഇനി സഹകരണ ബാങ്കുകൾ വഴി നേരിട്ട് ലഭിക്കില്ല. പെൻഷൻ വിതരണത്തിൽ നിന്ന് സഹകരണ ബാങ്കുകളെ ഒഴിവാക്കി സർക്കാർ ഉത്തരവ്. പെൻഷൻ വിതരണം ബാങ്ക് മുഖേനയാക്കാൻ സർക്കാർ തീരുമാനിച്ചു. കിടപ്പ് രോഗികൾക്കും ഒഴിവാക്കാൻ ആകാത്ത ഗുണഭോക്താക്കൾക്കും മാത്രം നേരിട്ട് വിതരണം നടത്തും. പല സൊസൈറ്റികളും തിരിച്ചടവ് വിവരങ്ങൾ കൃത്യമായി രേഖപ്പെടുത്തുന്നില്ലെന്ന് ഉത്തരവിൽ പറയുന്നു. കേരള സോഷ്യൽ സെക്യൂരിറ്റി പെൻഷൻ ലിമിറ്റഡിൻ്റെ കത്ത് പരിശോധിച്ച ശേഷമാണ് തീരുമാനമെന്ന് സർക്കാർ പറയുന്നു.
സംസ്ഥാനത്ത് മഴ അതിതീവ്രമാകുന്നു. പത്തനംതിട്ട, കോട്ടയം, ഇടുക്കി ജില്ലകളിൽ റെഡ് അലേർട്ട് പ്രഖ്യാപിച്ചു. കണ്ണൂർ, കാസർഗോഡ്, എറണാകുളം, ആലപ്പുഴ, കൊല്ലം ജില്ലകളിൽ ഓറഞ്ച് അലേർട്ടാണ്. മറ്റ് എല്ലാ ജില്ലകളിലും യെല്ലോ അലേർട്ടാണ്. പത്തനംതിട്ടയിൽ വിദ്യാഭ്യാസ സ്ഥാപനങ്ങൾക്ക് നാളെ അവധി പ്രഖ്യാപിച്ചു.
കോഴിക്കോട് ഫ്രഷ്കട്ട് അടച്ചുപൂട്ടാനുള്ള ഉത്തരവിന് ഹൈക്കോടതി സ്റ്റേ. മലിനീകരണ നിയന്ത്രണ ബോർഡിൻ്റെ ഉത്തരവിന് ആണ് ഹൈക്കോടതി ഇടക്കാല സ്റ്റേ അനുവദിച്ചത്. ഫ്രഷ് കട്ട് സ്ഥാപനം നൽകിയ ഹർജിയിലാണ് നടപടി. കാരണം കാണിക്കൽ നോട്ടീസ് നൽകാതെയാണ് പൂട്ടൽ ഉത്തരവെന്ന് കോടതി.
പെരുമ്പാവൂരിൽ സ്വകാര്യ ബാർ ഹോട്ടലിൽ സംഘർഷം. മദ്യപിച്ചവർ തമ്മിൽ ഏറ്റുമുട്ടി. തർക്കത്തിനിടെ ഒരാളെ വാക്കത്തി കൊണ്ട് വെട്ടി പരിക്കേൽപ്പിക്കാൻ ശ്രമം. തർക്കത്തിലേക്ക് നയിച്ച കാരണം വ്യക്തമല്ല. പൊലീസ് എത്തും മുൻപേ വഴക്കുണ്ടാക്കിയവർ ഓടി രക്ഷപ്പെട്ടു.
കനത്ത മഴയെ തുടർന്ന് കണ്ണൂർ ജില്ലയിലെ വിദ്യാഭ്യാസ സ്ഥാപനങ്ങൾക്ക് നാളെ അവധി. പ്രൊഫഷണൽ കോളേജുകൾക്കും അവധി ബാധകം. റസിഡൻഷ്യൽ സ്കൂളുകൾക്ക് അവധിയില്ല. നേരത്തെ നിശ്ചയിച്ച പരീക്ഷകൾക്ക് മാറ്റമില്ല.
അർധരാത്രിക്ക് ശേഷം കണ്ണൂരിൽ ശക്തമായ മഴയ്ക്ക് സാധ്യത. ദുരന്ത നിവാരണ അതോറിറ്റിയാണ് ജാഗ്രതാ നിര്ദേശം നല്കിയത്.
തിരുവനന്തപുരം കോർപ്പറേഷൻ കൗൺസിലർ ആർ. സുഗതൻ്റെ അവധി അപേക്ഷയിൽ ആഭ്യന്തരവകുപ്പ് പുറത്തിറക്കിയ കത്ത് റദ്ദാക്കി. സുഗതന് അയോഗ്യത ഒഴിവാക്കാൻ അവധി അപേക്ഷ നൽകാമെന്ന തദ്ദേശ വകുപ്പിൻ്റെ കത്ത് റദ്ദാക്കിയതിന് പിന്നാലെയാണ് ആഭ്യന്തരവകുപ്പിൻ്റെ നടപടി.
ഇടുക്കി ആനവിരട്ടിയിലെ ഇരുട്ടുകാനത്ത് പ്രവർത്തിക്കുന്ന സിപ് ലൈന് ജില്ലാ കളക്ടറുടെ വിലക്ക്. ഹൈറേഞ്ച് സ്പൈസ് ആൻഡ് ലൈവ് ചോക്ലേറ്റ് എന്ന സ്ഥാപനത്തിനാണ് വിലക്ക് ഏർപ്പെടുത്തിയത്. എം.എം മണിയുടെ സഹോദരൻ ലംബോദരൻ്റെ ഭാര്യ സരോജിനിയുടെ ഉടമസ്ഥതയിൽ ഉള്ളതാണ് സ്ഥാപനം.