കുതിരാൻ തുരങ്കത്തിൻ്റെ പടിഞ്ഞാറ് ഭാഗത്ത് നേരിയ തോതാൽ മണ്ണിടിച്ചിൽ. കുതിരാനിലെ ഇരട്ട തുരങ്ക മുഖത്തിൻ്റെ പടിഞ്ഞാറ് തുരങ്കമുഖത്തിനു മുകളിലായി ആണ് മണ്ണിടിച്ചിൽ ഉണ്ടായത്. നേരിയ തോതിൽ മാത്രമാണ് മണ്ണ് ഇടിഞ്ഞിട്ടുള്ളത്. കാലവർഷം ആരംഭിച്ച സമയത്ത് തന്നെ നേരിയ തോതിൽ പ്രദേശത്ത് മണ്ണിടിച്ചിൽ ഉണ്ടായതാണ് എന്ന് പ്രദേശവാസികൾ പറയുന്നത്.
മലപ്പുറം മഞ്ചേരി മുള്ളമ്പാറ കടത്തിപ്പറമ്പ് അലവിയുടെ വീട്ടിനകത്ത് കാട്ടുപന്നി കയറി. പിഞ്ചുകുഞ്ഞ് നഷ് വ കട്ടിലിൽ കളിച്ചുകൊണ്ടിരിമ്പോഴാണ് മുറിയിൽ കടന്നത്. അമ്മാവൻ കുഞ്ഞിനെ രക്ഷപ്പെടുത്തിയ ശേഷം കതക് പൂട്ടി. കാട്ടുപന്നിയെ പിന്നീട് വെടിവച്ചു കൊന്നു.
ചോദ്യങ്ങൾ മനഃപാഠമാക്കിയാണ് ഏജൻസി വിദഗ്ദ്ധർ നീറ്റ് പേപ്പർ ചേർത്തിയതെന്നാണ് വിവരം. ടീമിലെ മൂന്ന് വിഷയ വിദഗ്ദ്ധർ ചോദ്യങ്ങൾ കാണാതെ പഠിച്ച് പേപ്പറിൽ പകർത്തിയാണ് ചോർത്തിയതെന്ന നിർണായക വിവരങ്ങൾ പുറത്ത്. 94 പേജുള്ള സിബിഐ കുറ്റപത്രത്തിലാണ് ഇക്കാര്യമുള്ളത്.
കണ്ണൂരിൽ രക്ഷാപ്രവർത്തനത്തിനിടെ മരിച്ച രാജേഷിൻ്റെ മൃതദേഹത്തോട് അനാദരവ് കാട്ടിയതിൽ കണ്ണൂർ ജില്ലാ ഭരണകൂടത്തിന് എതിരെ വിമർശനം കടുക്കുന്നു. ജില്ലാ കളക്ടറോട് ഫ്രീസർ ആവശ്യപ്പെട്ടിരുന്നുവെന്ന് വി.കുഞ്ഞികൃഷ്ണൻ എംഎൽഎ പറഞ്ഞു. മൃതദേഹം ഫ്രീസറില്ലാത്ത ആംബുലൻസിൽ കൊണ്ടുപോയത് കളക്ടറുടെ നിർദേശപ്രകാരം എന്ന് ഡിസിസി സെക്രട്ടറി കെ.കെ. സുരേഷ്കുമാർ ആരോപിച്ചിരുന്നു. മൃതദേഹത്തോട് അനാദരവ് കാട്ടിയെന്ന വാർത്ത ന്യൂസ് മലയാളമാണ് പുറത്ത് കൊണ്ടുവന്നത്.
സൗദി അറേബ്യയിൽ ഹൂതി ആക്രമണം. തെക്കൻ അതിർത്തി പ്രദേശമായ നജ്റാനിലായിരുന്നു മിസെെൽ- ഷെൽ ആക്രമണം. വിദേശികൾ ഉൾപ്പടെ 11 സാധാരണക്കാർക്ക് പരിക്കേറ്റു.യെമനി ഹൂതികളും, ഇറാൻ അനുകൂല ഇറാഖി ഗ്രൂപ്പുകളും സൗദിയിൽ സംയുക്ത ആക്രമണത്തിന് പദ്ധതിയിടുന്നു എന്ന ഇൻ്റലിജൻസ് റിപ്പോർട്ടുകൾക്കിടെയാണ് ആക്രമണം.
കാസർഗോഡ് അറക്കത്തട്ട് ഭാഗത്ത് മലവെള്ളപ്പാച്ചിൽ. നർക്കിലക്കാട് - ചിറ്റാരിക്കാൽ റോഡിൽ കോട്ടമല എസ്റ്റേറ്റിന് സമീപത്ത് ഉരുൾ പൊട്ടിയതായി സംശയം. മഴക്കാലത്ത് വെള്ളമൊഴുകി പോകുന്ന ചാലിലും കൃഷിയിടത്തിലും കുത്തൊഴുക്ക്. ജനവാസ മേഖലയല്ല. ആശങ്കപ്പെടേണ്ട സാഹചര്യം നിലവിലില്ല.
കണ്ണൂർ ആലക്കോട് താളിപ്പാറയിൽ വീണ്ടും ഉരുൾപൊട്ടൽ. രണ്ട് കുടുംബങ്ങളെ മാറ്റിപ്പാർപ്പിച്ചു. മറ്റ് കുടുംബങ്ങളോട് മാറാൻ നിർദേശം. പ്രദേശത്ത് കനത്ത മഴ തുടരുന്നു. കാർത്തികപുരത്ത് റോഡിലേക്ക് ഉരുളൻ കല്ലുകൾ വീണ് ഗതാഗതം തടസപ്പെട്ടു.
കൊല്ലം അഞ്ചലിൽ ഓടിക്കൊണ്ടിരുന്ന കാറിന് തീപിടിച്ചു. കാർ ഓടിച്ചിരുന്നയാൾ തലനാരിഴക്ക് രക്ഷപ്പെട്ടു. മുൻവശത്ത് നിന്ന് പുക ഉയർന്ന ശേഷം വേഗത്തിൽ കത്തുകയായിരുന്നു. കാർ പൂർണ്ണമായി കത്തി നശിച്ചു.
വിവാഹമോചന ഹർജി പിൻവലിച്ച് വിജയ്യുടെ ഭാര്യ സംഗീത. കേസുമായി മുൻപോട്ട് പോകാനില്ലെന്ന് ചെങ്കൽപ്പേട്ട് കോടതിയെ അറിയിച്ചു. ലണ്ടനിൽ ആയിരുന്ന സംഗീത ഓൺലൈൻ ആയിട്ടാണ് കോടതിയിൽ ഹാജരായത്. നിയമസഭ സമ്മേളനത്തിൽ പങ്കെടുക്കേണ്ടതിനാൽ വിജയ് ഇന്ന് ഹാജരായില്ല.
വെള്ളം കയറി ദുരിതത്തിലായ ക്യാൻസർ രോഗിയുടെ വീട്ടിലെ ഫ്യൂസ് ഊരി കെഎസ്ഇബി. ചങ്ങനാശ്ശേരി മുൻസിപ്പാലിറ്റി 10ാം വാർഡിൽ താമസിക്കുന്ന ആനന്ദവല്ലിയുടെ വീട്ടിലെ വൈദ്യുതിയാണ് വിച്ഛേദിച്ചത്. വീട് വെള്ളത്താൽ ചുറ്റപ്പെട്ട നിലയിലാണ് .ഈ മാസം മൂന്നാം തീയതിയാണ് വൈദ്യുതി വിച്ഛേദിച്ചത്. കാൻസർ രോഗത്തെ തുടർന്ന് ആനന്ദവല്ലിയുടെ രണ്ടു മാറും നീക്കം ചെയ്തിരുന്നു. നാട്ടുകാർ പറഞ്ഞിട്ടും ഉദ്യോഗസ്ഥർ കൂട്ടാക്കിയില്ലെന്നാണ് ആക്ഷേപം. മുകളിൽ നിന്നുള്ള ഉത്തരവാണെന്ന് പറഞ്ഞാണ് ഫ്യൂസ് ഊരിയതെന്ന് നാട്ടുകാർ പറഞ്ഞു. കെഎസ്ഇബി ഓഫീസിൽ വിളിച്ച് അന്വേഷിച്ചതിന് പിന്നാലെ ഫ്യൂസ് കുത്താൻ ഓടിയെത്തി കെഎസ്ഇബി അധികൃതർ. അധികൃതർ മറുപടി നൽകാതെ ഫ്യൂസ് കൺക്ട് ചെയ്യാൻ സമ്മതിക്കില്ലെന്ന് വാർഡ് കൗസിലർ ബീനാ സലിം പറഞ്ഞു.
സ്വാതന്ത്ര്യ ദിനത്തോടനുബന്ധിച്ചുള്ള ക്വിസ് മത്സരത്തിൽ വി.ഡി. സവർക്കറെ പുകഴ്ത്തി വിവാദ ചോദ്യാവലി. മഞ്ചേശ്വരം, കാസർഗോഡ്, കുമ്പള ഉപജില്ലകളിലെ സ്കൂളുകളിൽ നിന്നുള്ള എൽ.പി വിഭാഗം വിദ്യാർഥികളെ ഉൾപ്പെടുത്തി സോഷ്യൽ സയൻസ് ക്ലബ്ബ് അസോസിയേഷൻ്റെ നേതൃത്വത്തിൽ നടത്തിയ ക്വിസ് മത്സരത്തിലാണ് ചോദ്യം. ബ്രിട്ടീഷുകാരുടെ കയ്യിൽ നിന്ന് ഏറ്റവും കൂടുതൽ ശിക്ഷ ലഭിച്ച സ്വാതന്ത്ര്യ സമര സേനാനി' ആരാണെന്നതാണ് ഒരു ചോദ്യം. ഉത്തരസൂചികയിൽ വി.ഡി. സവർക്കറെന്നും രേഖപ്പെടുത്തിയിട്ടുണ്ട്.