പൊലീസിനെ വെല്ലുവിളിച്ച് ഒളിവിലായിരുന്ന അർജുൻ ആയങ്കി അറസ്റ്റിൽ. പിടിയിലായത് കണ്ണൂരിലെ അഭിഭാഷകയുടെ ഫ്ലാറ്റിൽ നിന്നാണ്. ഓടിച്ചിട്ടാണ് പിടിച്ചതെന്ന് കണ്ണൂർ സിറ്റി പൊലീസ് കമ്മീഷണർ പറഞ്ഞു.
പൊലീസിനെ കുറെ വെല്ലുവിളിച്ചു എന്ന തോന്നലാണ് അർജുൻ ആയങ്കി ഉണ്ടായതെന്ന് എഡിജിപി പി. വിജയൻ. പൊലീസിനെ വെല്ലുവിളിക്കൽ സമൂഹത്തെ വെല്ലുവിളിക്കലിന് തുല്യമാണ്. പൊലീസിനെ വെല്ലുവിളിച്ച് കമൻ്റിട്ടവരെയും പിന്നാലെ കിട്ടുമെന്നും എഡിജിപി പറഞ്ഞു. ആയങ്കിയെ വെടിവെക്കാൻ പൊലീസ് നിർദേശം നൽകിയിട്ടില്ലെന്നും എഡിജിപി പി. വിജയൻ പറഞ്ഞു.
അർജുൻ ആയങ്കിയെ രാത്രിയോടെ എറണാകുളത്ത് എത്തിക്കും. അർജുൻ ആയങ്കിയെ കസ്റ്റഡിയിൽ എടുക്കാൻ എറണാകുളത്ത് നിന്ന് പൊലീസ് പുറപ്പെട്ടു. ഇന്ന് രാത്രിയോടേ കൊച്ചിയിൽ എത്തിക്കാൻ നീക്കം. അർജുൻ ആയങ്കിയുമായി ബന്ധപ്പെട്ട് കേസുകളാണ് എറണാകുളം റൂറൽ പോലീസ് രജിസ്റ്റർ ചെയ്തത്.
അർജുൻ ആയങ്കിയുടെ സഹോദരനും പിടിയിൽ. അജയനാണ് നടക്കാവ് പൊലീസിൻ്റെ പിടിയിലായത്.
മുഖ്യമന്ത്രി വി.ഡി. സതീശനെതിരെ വാട്ട്സ് ആപ്പിലൂടെ വധഭീഷണി. കാലടി സ്വദേശി ഫൈസലിനെതിരെ കേസ് എടുത്ത് പൊലീസ്. നാട്ടിലെ വാട്സ് ആപ്പ് കൂട്ടായ്മയിലാണ് മുഖ്യമന്ത്രിക്ക് എതിരെ മോശം പ്രതികരണം നടത്തിയത്. കോൺഗ്രസ് പ്രവർത്തകർ നൽകിയ പരാതിയിലാണ് നടപടി.
തിരുവനന്തപുരത്ത് ചികിത്സാ പിഴവ്. മുട്ടുവേദനയുമായി എത്തിയ സ്ത്രീയ്ക്ക് ആമവാതത്തിൻ്റെ മരുന്ന് നൽകിയതായി പരാതി. ഇരിഞ്ചയം സ്വദേശിനി ഷീലക്കാണ് ഡോക്ടർ മരുന്ന് മാറി നൽകിയത്. മരുന്നു കഴിച്ച ഷീലയുടെ കാഴ്ച നഷ്ടമായി ശരീരമാസകലം പൊട്ടിയൊലിച്ചു. തിരുവനന്തപുരം മെഡിക്കൽ കോളേജിലെ ഡോ.ജേക്കബ് ആൻ്റണിയാണ് മരുന്ന് എഴുതിയത്. രോഗം നിർണയിക്കാതെയാണ് ഡോക്ടർ മരുന്ന് നൽകിയതെന്ന് ആരോപണം. മരുന്നു കഴിച്ച് അഞ്ചു ദിവസം കഴിഞ്ഞപ്പോൾ ഗുരുതരാവസ്ഥയിലായി. ഇത്രയുംനാൾ പരാതി പറയാതിരുന്നത് ചികിത്സ നിഷേധിക്കുമെന്ന് പേടിച്ചിട്ടാണെന്നും കുടുംബം പറഞ്ഞു. ആരോഗ്യമന്ത്രിക്കടക്കം പരാതി നൽകിയിട്ടും നടപടി ഇല്ലെന്ന് കുടുംബം ആരോപിച്ചു. ഡോക്ടർ ഷീലയെ ചികിത്സിച്ചത് സ്വന്തം വീട്ടിലാണ്. പൊലീസിൽ കുടുംബം പരാതി നൽകി.
സംസ്ഥാനത്ത് കാലവർഷം ദുർബലമാകുന്നു. ഇന്ന് മഴ മുന്നറിയിപ്പ് വടക്കൻ കേരളത്തിൽ മാത്രമാണ്. കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിൽ യെല്ലോ അലർട്ട്. ഒറ്റപ്പെട്ടയിടങ്ങളിൽ ശക്തമായ മഴയ്ക്ക് സാധ്യത. കേരള, ലക്ഷദ്വീപ് തീരങ്ങളിൽ മത്സ്യബന്ധനത്തിന് വിലക്ക് തുടരും.
മലപ്പുറം അരീക്കോട് കീഴൂപറമ്പിൽ യുവതിക്ക് നേരെ ക്രൂരമർദനം. ഭർത്താവ് മുബാറക് അനീസ് ക്രൂരമായി മർദിച്ചത് ആയാണ് പരാതി. ചികിത്സിക്ക് പണം ആവശ്യപ്പെട്ടതാണ് കാരണം. ഈമാസം 7 നാണ് സംഭവം. രാത്രി മണിക്കൂറുകളോളം യുവതിയെ മർദിച്ചു. യുവതിയുടെ മുഖത്ത് ഉൾപ്പെടെ ഗുരുതര പരിക്ക്. യുവാവിനെതിരെ കേസെടുത്ത് അരീക്കോട് പൊലീസ്.
അർജുൻ ആയങ്കിയ്ക്കെതിരെ കാപ്പ വകുപ്പ് ചുമത്തുന്നത് പരിഗണനയിലെന്ന് പൊലീസ്. തീരുമാനം നിലവിലെ കേസ് നടപടികൾ പൂർത്തിയായ ശേഷം.
അർജ്ജുൻ ആയങ്കി പിടിയിലാകുമെന്ന് ഉറപ്പായിരുന്നുവെന്ന് ആരോഗ്യമന്ത്രി കെ. മുരളീധരൻ. ആർക്കും ഒളിവിലിരുന്ന് പോസ്റ്റ് ഇടാൻ തടമില്ല. വന്ദേമാതരം ആലപിക്കണമെന്നത് കേന്ദ്രത്തിൻ്റെ നിർദേശമാണ് ചീഫ് സെക്രട്ടറി സർക്കുലറായി നൽകിയത്. സംസ്ഥാന സർക്കാരിൻ്റെ ഏത് പരിപാടിയിലും ഞങ്ങൾ മുൻപ് പാടിയിരുന്ന രണ്ട് ഘണ്ടിക മാത്രമേ പാടൂ. ചീഫ് സെക്രട്ടറിക്ക് കേന്ദ്ര സർക്കാരിൻ്റെ ഉത്തരവ് പാലിക്കേണ്ട ബാധ്യത ഉണ്ടെന്നും കെ. മുരളീധരൻ പറഞ്ഞു.
തീരദേശവാസികളെ അധിക്ഷേപിച്ച മുഖ്യമന്ത്രി മാപ്പ് പറയണമെന്ന് സിപിഐഎം നേതാവ് പി.രാജീവ്. തീരത്ത് സർക്കാരിന് ഏകോപനമില്ലെന്ന് പി.എ മുഹമ്മദ് റിയാസ് ആരോപിച്ചു. പത്ത് ദിവസമായി ഫിഷറീസ് മന്ത്രി തിരിഞ്ഞ് നോക്കിയില്ല. അബ്ദുൽ ഗഫൂർ തെറ്റ് ഏറ്റുപറയണമെന്നും മുഹമ്മദ് റിയാസ് ആവശ്യപ്പെട്ടു.
രമേശ് ചെന്നിത്തല നാടിൻ്റെ സൂപ്പർ മാൻ എന്ന് നടൻ ആസിഫ് അലി. പത്താം ക്ലാസിൽ എക്സലൻസ് അവാർഡ് തനിക്ക് മിസ് ആയി.കാരണം ജസ്റ്റ് പാസ് ആയുള്ളൂ. സിനിമയിൽ നിന്ന് എക്സലൻസ് അവാർഡ് ലഭിക്കണമെന്നാണ് ആഗ്രഹം. ഇപ്പോൾ അവാർഡ് വാങ്ങാനായി എത്തിയ ഏതെങ്കിലും ഒരു കുട്ടിയുടെ കയ്യിൽ നിന്ന് ആവണം അവാർഡ് വാങ്ങാൻ എന്നാണ് ആഗ്രഹമെന്നും ആസിഫ് അലി പറഞ്ഞു.
കണ്ണൂരിൽ നാടകീയമായി പൊലീസ് പിടികൂടിയ അർജുൻ ആയങ്കിയെ കൂത്തുപറമ്പ് മജിസ്ട്രേറ്റ് റിമാൻഡ് ചെയ്തു. 14 ദിവസത്തേക്കാണ് റിമാൻഡ് ചെയ്തത്. അർജുനെ തലശേരി സബ് ജയിലിലേക്ക് മാറ്റി.
അർജുൻ ആയങ്കിയെ കുറിച്ച് വിവരം നൽകിയ ഓട്ടോ ഡ്രൈവർക്ക് ഒരുലക്ഷം രൂപ പാരിതോഷികം നൽകുമെന്ന് ആഭ്യന്തരമന്ത്രി രമേശ് ചെന്നിത്തല പറഞ്ഞു. പണം നൽകാമെന്ന് ഒരു വ്യക്തി തന്നെ അറിയിച്ചു. അത് ആ ഓട്ടോ ഡ്രൈവർക്ക് നൽകുമെന്നും ചെന്നിത്തല പറഞ്ഞു.
ഗൂഡല്ലൂരിൽ കടുവാക്രമണത്തിൽ തോട്ടം തൊഴിലാളി കൊല്ലപ്പെട്ടു. ബാലകൃഷ്ണൻ (54) ആണ് മരിച്ചത്. ഇന്നലെ രാത്രിയിൽ വീട്ടിലേക്ക് വെള്ളം എടുക്കാൻ പോയ ശേഷം മടങ്ങി വന്നില്ല.രാവിലെ തിരിച്ചിൽ നടത്തിയപ്പോഴാണ് കടുവ കൊന്ന നിലയിൽ കണ്ടെത്തിയത്.
കാസർഗോഡ് ക്വിസ് വിവാദത്തിൽ ചോദ്യാവലി തയ്യാറാക്കിയ അധ്യാപകനെ സസ്പെൻഡ് ചെയ്തു. വിദ്യാഭ്യാസ മന്ത്രിയുടെ നിർദ്ദേശത്തെ തുടർന്നാണ് നടപടി. കുമ്പള ഉപജില്ലയിലെ എയുപിഎസ് പള്ളത്തടുക്കയിലെ അധ്യാപകൻ ഗുരു പ്രസാദിനെയാണ് അന്വേഷണ വിധേയമായി സസ്പെൻഡ് ചെയ്തത്.
തോട്ടിൽ കുളിക്കാനിറങ്ങിയ യുവാവ് മുങ്ങി മരിച്ചു. കാവളത്തിങ്ങൽ ജോബി ജോസഫ് (42) ആണ് മരിച്ചത്. താമരശ്ശേരി കൂടത്തായി കാട്ടുമുണ്ടയിൽ തോട്ടിൽ കുളിക്കാനിറങ്ങിയ യുവാവ് ഒഴുക്കിൽ പെടുകയായിരുന്നു. വീണ സ്ഥലത്ത് നിന്നും ഒരു കിലോമീറ്റർ മാറിയാണ് മൃതദേഹം ലഭിച്ചത്.
കാസർഗോഡ് കുടുംബാരോഗ്യ കേന്ദ്രം അടച്ചുപൂട്ടിയ സംഭവത്തിൽ പ്രതിഷേധം. പാണത്തൂർ കുടുംബാരോഗ്യ കേന്ദ്രം അടച്ചുപൂട്ടിയ സംഭവത്തിലാണ് പ്രതിഷേധം കടുക്കുന്നത്. സിപിഐഎമ്മിൻ്റെ നേതൃത്വത്തിൽ ഇന്ന് പ്രതിഷേധ മാർച്ച് നടത്തി.
കൊടുങ്ങല്ലൂരിലെ അഴീക്കോട് അച്ഛൻ മകളെ വെട്ടിപ്പരിക്കേൽപ്പിച്ചു. സുനാമി ഉന്നതിയിലെ പോത്തേഴത്ത് ഷിലിയുടെ മകൾ അമേയയെന്ന 15 വയസുകാരിയാണ് ആക്രമിക്കപ്പെട്ടത്. അച്ഛൻ ഷില, മകളെ വെട്ടുകത്തി കൊണ്ട് വെട്ടിപ്പരിക്കേൽപ്പിക്കുകയായിരുന്നു. തലയ്ക്ക് സാരമായി പരിക്കേറ്റ അമേയ കൊടുങ്ങല്ലൂർ എ.ആർ ആശുപത്രിയിൽ ചികിത്സയിലാണ്. ഒളിവിൽ പോയ ഷിലിക്കായി കൊടുങ്ങല്ലൂർ പൊലീസ് അന്വേഷണം ആരംഭിച്ചു.
മദ്യലഹരിയിൽ മകൻ അമ്മയെ വെട്ടിപ്പരിക്കേൽപ്പിച്ചു. പെരുമ്പാവൂർ രായമംഗലത്താണ് സംഭവം. മേലേക്കാട്ട് അമ്മിണിക്കാണ് പരിക്കേറ്റത്. മകൻ മഹേഷിനെ കുറുപ്പുംപടി പോലീസ് കസ്റ്റഡിയിലെടുത്തു. അമ്മിണിക്ക് തലയുടെ പിറകിൽ മൂന്ന് സ്റ്റിച്ച് ഉണ്ട്.
കൊടുങ്ങല്ലൂരിലെ അഴീക്കോട് മകളെ വെട്ടിപ്പരിക്കേൽപ്പിച്ച അച്ഛൻ പിടിയിൽ. സുനാമി കോളനിയിൽ താമസിക്കുന്ന പോത്തേഴത്ത് ഷിലിയെയാണ് പടിഞ്ഞാറെ വെമ്പല്ലൂരിൽ നിന്നും പൊലീസ് കസ്റ്റഡിയിലെടുത്തത്. 15 വയസുകാരിയായ മകൾ അമേയയെയാണ് ഷിലി വെട്ടിപ്പരിക്കേൽപ്പിച്ചത്. തലയ്ക്ക് സാരമായി പരിക്കേറ്റ അമേയ കൊടുങ്ങല്ലൂർ എ.ആർ ആശുപത്രിയിൽ ഗുരുതരാവസ്ഥയിൽ ചികിത്സയിലാണ്.