നിര്‍ധന കുടുംബത്തിന്റെ വീട് ജപ്തി ചെയ്യാനെത്തിയവരെ തടഞ്ഞ നജീബ് കാന്തപുരം എംഎൽഎയ്ക്ക് കോടതിയലക്ഷ്യത്തിന് നോട്ടീസ്

കൊച്ചിയിൽ 46 സ്വകാര്യ ബസുകൾക്കെതിരെ നടപടിയെടുത്തു. ലൈസൻസില്ലാതെ വാഹനം ഓടിക്കൽ, നികുതിയടയ്ക്കാതെയും സാധുവായ പെർമിറ്റില്ലാതെയും സർവീസ് നടത്തൽ തുടങ്ങിയ നിയമ ലംഘനങ്ങളും ബസിൻ്റെ വാതിൽ തുറന്ന നിലയിൽ സർവീസ് നടത്തുക, മ്യൂസിക് സിസ്റ്റം ഉപയോഗിക്കുക, കണ്ടക്ടർ ലൈസൻസില്ലാതെയും പോലീസ് ക്ലിയറൻസില്ലാതെയും ജീവനക്കാരെ നിയോഗിക്കുക തുടങ്ങിയ ക്രമക്കേടുകളും കണ്ടെത്തി. 46 ബസുകൾക്കെതിരെ നടപടിയെടുത്ത് 80,000 രൂപ പിഴയീടാക്കി. എറണാകുളം ആർടിഒ എൻഫോഴ്സ്മെൻ്റിൻ്റെ നേതൃത്വത്തിൽ തൃപ്പൂണിത്തുറ, പൂത്തോട്ട മേഖലകൾ കേന്ദ്രീകരിച്ച് 4 സ്‌ക്വാഡുകളായിട്ടായിരുന്നു പരിശോധന.

മുപ്പത്തിയെട്ട് വാർഡുകളിലെ വോട്ടെണ്ണൽ രാവിലെ 10 മണി മുതൽ ആരംഭിക്കും. യുഡിഎഫ് സർക്കാർ അധികാരമേറ്റശേഷമുള്ള ആദ്യ ഉപതെരഞ്ഞെടുപ്പ് ഫലം നിർണായകമാണ്. സർക്കാരിൻ്റെ വിലയിരുത്തലാകുമെന്നാണ് കണക്കുക്കൂട്ടൽ. എട്ട് എംഎൽഎമാർ ഒഴിഞ്ഞ വാർഡുകളിലെ വിധി ശ്രദ്ധേയം.

മുഖ്യതെരഞ്ഞെടുപ്പ് കമ്മീഷണർ ഗ്യാനേഷ് കുമാറിൻ്റെ രാജി ആവശ്യപ്പെട്ട് വൻ പ്രതിഷേധത്തിന് പ്രതിപക്ഷം. സമരപരിപാടികൾ തീരുമാനിക്കാൻ കോൺഗ്രസ് പ്രവർത്തകസമിതി യോഗം ഇന്ന് ഡൽഹിയിൽ ചേരും. മുഖ്യമന്ത്രി വി.ഡി സതീശനും പങ്കെടുക്കും. ഇന്ത്യാസഖ്യയോഗം നാളെ ചേരും.

ഇഡി റിപ്പോർട്ടിൽ പിണറായി വിജയന് എതിരെ എഫ്ഐആർ രജിസ്റ്റർ ചെയ്യണമെന്ന് ആവശ്യപ്പെട്ടുള്ള ഹർജി ഇന്ന് ഹൈക്കോടതിയിൽ. സർക്കാർ ഒളിച്ചുകളിക്കുന്നുവെന്നാണ് പ്രധാന ആരോപണം. കൂടുതൽ തെളിവുകൾ കോടതിക്ക് കൈമാറാൻ ഇഡി. പ്രാഥമിക അന്വേഷണത്തിന് ശേഷം കേസ് എടുത്താൽ മതിയെന്ന നിലപാടിലാണ് സർക്കാർ.

മദ്യപിച്ച് വാഹനാപകടം ഉണ്ടാക്കിയ യൂട്യൂബർ അശ്വന്ത് കോക്കിനെതിരെ കേസെടുത്ത് പൊലീസ്. അശ്വന്ത് കോക്കിൻ്റെ കാർ മൂന്ന് വാഹനങ്ങളിൽ ഇടിച്ചുവെന്നാണ് പരാതി. അറസ്റ്റ് രേഖപ്പെടുത്തിയ ശേഷം ജാമ്യത്തിൽ വിട്ടു. ഇന്നലെ വൈകിട്ട് 7 മണിയോടെ കോഴിക്കോട് എരഞ്ഞിപ്പാലം ജംഗ്ഷനിലാണ് അപകടം ഉണ്ടായത്.

പശ്ചിമേഷ്യയിലെ ആശങ്കകൾക്കിടെ ഖത്തർ മധ്യസ്ഥ സംഘവുമായി ചർച്ച നടത്തി യുഎസും ഇറാനും. യുദ്ധം ഉടൻ ജയിക്കുമെന്നും, സംഘർഷം അവസാനിച്ചാൽ എണ്ണ വില കുത്തനെ കുറയുമെന്നും ട്രംപ് പറഞ്ഞു. പ്രശ്ന പരിഹാരത്തിനായി യുക്തിസഹമായ നിർദേശങ്ങൾ മുന്നോട്ടുവെച്ചെന്ന് ഇറാൻ അവകാശപ്പെട്ടു.

റഷ്യ-യുക്രെയ്ൻ സംഘർഷത്തിൽ സമാധാന ആഹ്വാനവുമായി ഫ്രാൻസിസ് മാർപാപ്പ. ഇരു രാജ്യങ്ങളും അടിയന്തരമായി ചർച്ചക്ക് തയ്യാറാകണമെന്ന് മാർപാപ്പ ആഹ്വാനം ചെയ്തു. യുദ്ധ വെറിക്ക് കടിഞ്ഞാണിടാൻ ഭരണാധികാരികൾ കടുംപിടിത്തം ഉപേക്ഷിക്കണം. ആണവായുധ പ്രയോഗം നടത്തുന്നരുതെന്നും മാർപാപ്പ ആവശ്യപ്പെട്ടു.

എറണാകുളം കോതമംഗലത്ത് ഭാര്യയെ ഭർത്താവ് കുത്തിക്കൊന്നു. കുത്തുകുഴി സ്വദേശി കുഞ്ഞമ്മയാണ് കൊല്ലപ്പെട്ടത്. ഭർത്താവ് കുര്യാക്കോസ് പൊലീസ് കസ്റ്റഡിയിൽ. കൊല നടന്നത് പുലർച്ചെ രണ്ട് മണിയോടെ.

ഗവർണർ വിളിച്ച വൈസ് ചാൻസിലർമാരുടെ യോഗം ഇന്ന് ലോക്ഭവനിൽ നടക്കും. കേന്ദ്രസർക്കാരിൻ്റെ മേരാ യുവ ഭാരതിൻ്റെ ഭാഗമായിട്ടുള്ള പരിപാടികൾ സർവകലാശാലകൾ വഴി നടപ്പാക്കുന്നത് ചർച്ചയ്ക്ക്. കേരള സർവകലാശാലയിൽ വിദ്യാർത്ഥി സംഘടനാ പ്രവർത്തനത്തിന് നിയന്ത്രണം ഏർപ്പെടുത്താനുള്ള കരട് പുറത്ത് വന്നതിന് പിന്നാലെയാണ് യോഗം ചേരുന്നത്.

ഏഷ്യൻ ഗെയിംസ് പത്താം ദിനവും ഇന്ത്യൻ പ്രതീക്ഷ അത്ലറ്റിക്സിൽ. ഇന്ത്യൻ താരങ്ങൾ 9 ഫൈനലുകളിൽ പങ്കെടുക്കും. മലയാളി താരം മുഹമ്മദ് അഫ്സൽ 800 മീറ്ററിൽ ഫൈനൽ പോരിനിറങ്ങും. ബോക്സിങ്ങിലും ഷൂട്ടിങ്ങിലും മെഡൽ പ്രതീക്ഷയാണ് ഉള്ളത്.

നേഷൻസ് ലീഗിൽ ഫ്രാൻസിന് തുടർച്ചയായ രണ്ടാം ജയം. ബെൽജിയത്തെ ഒറ്റ ഗോളിന് തോൽപ്പിച്ചു. തുർക്കിയെ തകർത്ത് ഇറ്റലി. സ്പെയിനും ഇംഗ്ലണ്ടും ഇന്നിറങ്ങും.

വെസ്റ്റ് ഇൻഡീസിനെതിരെ ഏകദിന പരമ്പര ലക്ഷ്യമിട്ട് ഇന്ത്യ. രണ്ടാം ഏകദിനം നാളെ ഗുവാഹത്തിയിൽ നടക്കും. ലോകകപ്പ് മുന്നിൽ കണ്ടുള്ള പരീക്ഷണം തുടരാൻ ഇന്ത്യ.

ഏഷ്യൻ ഗെയിംസിൽ ഷൂട്ടിങ്ങിൽ ഇന്ത്യക്ക് വെള്ളി.ട്രാപ്പ് ഇനത്തിലാണ് നേട്ടം. നീരു, ആഷിമ, മനീഷ എന്നിവരടങ്ങിയ സംഘമാണ് മെഡൽ നേടിയത്.

നടി പാർവതിയുടെ പിതാവ് രാമചന്ദ്ര കുറുപ്പ് അന്തരിച്ചു.96 വയസായിരുന്നു. വാർധക്യ സഹജമായ അസുഖങ്ങളെ തുടർന്നായിരുന്നു അന്ത്യം. സംസ്കാരം ഇന്ന് 11 മണിക്ക് നടൻ ജയറാമിൻ്റെ തോട്ടുവായിലെ വസതിയിൽ നടക്കും.

തദ്ദേശ ഉപതെരഞ്ഞെടുപ്പിലെ മുപ്പത്തിയെട്ട് വാർഡുകളിലേക്കുള്ള വോട്ടെണ്ണൽ ആരംഭിച്ചു. യുഡിഎഫ് സർക്കാർ അധികാരമേറ്റശേഷമുള്ള ആദ്യ ഉപതെരഞ്ഞെടുപ്പ് ഫലം ഏറെ നിർണായകമാണ്.

തദ്ദേശ ഉപതെരഞ്ഞെടുപ്പിൽ പാലക്കാട് പട്ടഞ്ചേരി പഞ്ചായത്തിൽ എൽഡിഎഫ് സ്ഥാനാർഥി ബിന്ദു കുമാരി വിജയിച്ചു. 18 വോട്ടിനാണ് എൽഡിഎഫ് ജയിച്ചത്.

ചാലക്കുടി മുനിസിപ്പാലിറ്റി ഇരുപത്തിനാലാം വാർഡ് കോൺഗ്രസ് നിലനിർത്തി. വി.ഒ. പൈലപ്പൻ വിജയിച്ചു. 345 വോട്ടിൻ്റെ ഭൂരിപക്ഷത്തിലാണ് ജയം.

തദ്ദേശ ഉപതെരഞ്ഞെടുപ്പിൽ തിരുവല്ല കുറ്റൂരിൽ യുഡിഎഫിന് വിജയം. യുഡിഎഫ് സ്ഥാനാർഥി രബീഷ് മോൻ ജയിച്ചു. എൽഡിഎഫിൽ നിന്നാണ് പിടിച്ചെടുത്തത്. എൽഡിഎഫ് മൂന്നാം സ്ഥാനത്തേക്ക് പിന്തള്ളപ്പെട്ടു.

തദ്ദേശ ഉപതെരഞ്ഞെടുപ്പ്; കോലഞ്ചേരി ഈസ്റ്റ് വാർഡ് നിലനിർത്തി ട്വൻ്റി - ട്വൻ്റി. ട്വൻ്റി - 20 സ്ഥാനാർഥി ദീനമ്മ ജേക്കബാണ് വിജയിച്ചത്.

പാലക്കാട് ശ്രീകൃഷ്ണപുരം പഞ്ചായത്ത് 13 ആം വാർഡ് യുഡിഎഫ് പിടിച്ചെടുത്തു. യുഡിഎഫ് സ്ഥാനാർത്ഥി പി. ഗിരീശന് വിജയം. 48വോട്ടുകൾക്കാണ് പി. ഗിരീശൻ്റെ വിജയം.

മംഗലപുരം ഗ്രാമപഞ്ചായത്തിലെ മുണ്ടയ്ക്കൽ വാർഡ് 139 വോട്ടിന് എൽഡിഎഫ് വിജയിച്ചു. യുഡിഎഫിൻ്റെ കയ്യിലുണ്ടായിരുന്ന വാർഡ് എൽഡിഎഫ് പിടിച്ചെടുത്തു.

ചേലക്കരയിൽ യുഡിഎഫിന് അട്ടിമറി ജയം. ഇടതു കോട്ടയിൽ സീറ്റ് പിടിച്ചെടുത്ത് യുഡിഎഫ്. കുറുമല സീറ്റാണ് പിടിച്ചെടുത്തത്.

മലപ്പുറത്ത് 4 വാർഡുകളിൽ നടന്ന തെരഞ്ഞെടുപ്പിൽ രണ്ടണ്ണം എൽഡിഎഫും രണ്ടണ്ണം യുഡിഎഫും നിലനിർത്തി. മങ്കടയിൽ എൽഡിഎഫ് മുസ്ലീം ലീഗ് - വെൽഫെയർ സഖ്യത്തെ തോൽപ്പിച്ചു.

കണ്ണൂർ

തളിക്കുളം ഗ്രാമപഞ്ചായത്ത് 13-ാം വാർഡിൽ എൽഡിഎഫ് വിജയിച്ചു. യു.ഡി.എഫ് മൂന്നാം സ്ഥാനത്തേക്ക് പിന്തള്ളപ്പെട്ടു.

വടക്കാഞ്ചേരി ബ്ലോക്ക് പഞ്ചായത്ത് തളി ഡിവിഷൻ യുഡിഎഫിന് വിജയം. രവീന്ദ്രൻ തിച്ചൂരാണ് ജയിച്ചത്.

സംസ്ഥാന സ്കൂൾ കലോത്സവം എറണാകുളം ജില്ലയിൽ നടക്കും. ജനുവരി 4 മുതൽ 8 വരെയാണ് കലോത്സവം നടക്കുകയെന്ന് വിദ്യാഭ്യാസമന്ത്രി അറിയിച്ചു.

ബാലരാമപുരത്ത് യൂത്ത് കോൺഗ്രസ് യുവമോർച്ച പ്രവർത്തകർ റോഡിൽ നേർക്കുനേർ ഏറ്റുമുട്ടി. മന്ത്രി ഒ ജെ ജനീഷിനെ വീണ്ടും തടഞ്ഞ് ബിജെപി പ്രവർത്തകർ. ബിജെപി ജില്ലാപ്രസിഡൻ്റ് മുക്കംപാലമൂട് ബിജുവിനെ വഴിയിൽ തടഞ്ഞ് യൂത്ത് കോൺഗ്രസിൻ്റെ മറുപടി. പ്രവർത്തകരെ പൊലീസ് ബലം പ്രയോഗിച്ച് നീക്കി.

മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാർ രാജി വെക്കണമെന്നാവശ്യപ്പെട്ട് ഇടത് പാർട്ടികളുടെ നേതൃത്വത്തിൽ തെരഞ്ഞെടുപ്പ് കമ്മീഷൻ്റെ ഓഫീസിലേക്ക് മാർച്ച് നടത്തി. മാർച്ചിനിടെ സിപിഐഎം ജനറൽ സെക്രട്ടറി എം.എ ബേബി അടക്കമുള്ള നേതാക്കളെ പൊലീസ് അറസ്റ്റ് ചെയ്തു. സമാധാനപരമായി നടത്തിയ മാർച്ചിനു നേരെ പോലീസ് ബലപ്രയോഗം നടത്തിയതായും നേതാക്കളെ വലിച്ചിഴച്ച് വാഹനത്തിൽ കയറ്റിയതായാണ് ആരോപണം.

ഹൗസ്ബോട്ടിൽ നിന്ന് വീണ് രണ്ടര വയസുകാരിക്ക് ദാരുണാന്ത്യം. ആലപ്പുഴ പുന്നമട സ്റ്റാർട്ടിങ് പോയിൻറിലാണ് അപകടം. തമിഴ്നാട് തിരുനൽവേലിയിൽ നിന്നുള്ള സംഘത്തിലെ അംഗമായ സുഗൻ ആണ് മരിച്ചത്. റെഡ് കാസ്റ്റിൽ വാരാഹരി എന്ന ബോട്ടിലെ യാത്രക്കിടെയാണ് കുട്ടി വെള്ളത്തിൽ വീണത്.

തിരുവനന്തപുരത്ത് യുഡിഎഫ് ബിജെപിയുമായി ധാരണയുണ്ടാക്കിയതായി സിപിഐഎം സംസ്ഥാന സെക്രട്ടറി എം.വി. ഗോവിന്ദൻ പറഞ്ഞു. തെരഞ്ഞെടുപ്പിൽ യുഡിഎഫിൻ്റെ ഭൂരിപക്ഷം കുറഞ്ഞു. കുറ്റിച്ചിറയിൽ എൽഡിഎഫ് വൻ മുന്നേറ്റമാണ് നടത്തിയത്. തിരുത്തി തിരിച്ചുവരുമെന്ന എൽഡിഎഫ് നിലപാട് ജനം സ്വീകരിച്ചുവെന്നും എം.വി. ഗോവിന്ദൻ പറഞ്ഞു.

മന്ത്രി എം. ലിജുവിനെ നേരെ കരിങ്കൊടി പ്രതിഷേധം. കായംകുളത്ത് വച്ച് യുവമോർച്ച പ്രവർത്തകരാണ് കരിങ്കൊടി കാണിച്ചത്. വാഹന വ്യൂഹത്തിന് മുന്നിൽ ചാടിയായിരുന്നു പ്രതിഷേധം. പ്രതിഷേധക്കാരെ പൊലീസ് പിടിച്ചുമാറ്റി. കായംകുളം ഒഎൻകെ ജംഗ്ഷനിലും കെഎസ്ആർടിസി ജംഗ്ഷനിലും ആണ് കരിങ്കൊടി കാണിച്ചത്.

പ്രധാനമന്ത്രിയും ആഭ്യന്തരമന്ത്രിയും രാജിവയ്ക്കണമെന്ന് കോൺഗ്രസ് പ്രവർത്തക സമിതി യോഗത്തിൽ പ്രമേയം. ഗ്യാനേഷ് കുമാർ വോട്ട് കൊള്ള നടത്തിയത് മോദിക്കും അമിത് ഷാക്കും വേണ്ടിയാണെന്നും യോഗത്തിൽ വിമർശനം ഉയർന്നു. ഭരണഘടനയും ഇന്ത്യൻ ജനാധിപത്യവും സംരക്ഷിക്കപ്പെടണമെങ്കിൽ ഇരുവരും രാജിവെക്കണം. എസ് ഐആർ റദ്ദാക്കണമെന്ന് കോൺഗ്രസ് പ്രവർത്തക സമിതി യോഗത്തിൽ പറഞ്ഞു. വോട്ടർ പട്ടികയിൽ നിന്ന് നീക്കിയ 13 കോടിയിലധികം പേരുകൾ തിരികെ ചേർക്കണമെന്നും പ്രമേയത്തിലുണ്ട്.

അസം റൈഫിൾസിൽ ജവാൻ കൊല്ലപ്പെട്ടു. അരുണാചൽ പ്രദേശിലെ ചാങ്ലാങ് ജില്ലയിലെ നാംപോങ്ങിൽ പട്രോളിംഗിനിടെയാണ് ആക്രണം. തീവ്രവാദി ആക്രമണമെന്നാണ് നിഗമനം. നാലു ജവാൻമാർക്ക് പരുക്കേറ്റു.

സംസ്ഥാനത്ത് നാളെ മുതൽ 4 ദിവസം മഴയ്ക്ക് സാധ്യത. ഇടിമിന്നലോട് കൂടിയ ഒറ്റപ്പെട്ട ശക്തമായ മഴയ്ക്കാണ് സാധ്യത. ഇടുക്കി, പത്തനംതിട്ട ജില്ലകളിൽ നാളെ യെല്ലോ അലേർട്ട്. മറ്റന്നാൾ 6 ജില്ലകളിൽ യെല്ലോ അലേർട്ടാണ് ഉള്ളത്.

ആർഎസ്എസ് പ്രചാരകനും ബാലഗോകുലം സ്ഥാപകനുമായ എം.എ. കൃഷ്ണൻ അന്തരിച്ചു. 97 വയസായിരുന്നു.

കുളിമുറിയിലെ വെള്ളത്തൊട്ടിലിൽ വീണ് രണ്ട് കുട്ടികൾക്ക് ദാരുണാന്ത്യം. പാലക്കാട് കൊഴിഞ്ഞാമ്പാറ മേനോൻപ്പാറയിലാണ് സംഭവം. കൂരാൻക്കാട്ടിലെ വീട്ടിൽ കളിച്ചുകൊണ്ടിരിക്കുകയാണ് കൊഴിഞ്ഞാമ്പാറ സ്വദേശിയായ ജോൺ കുമാറിൻ്റെ മക്കൾ അഞ്ചു വയസുകാരി ജനിഫർ ജൂലിയറ്റും, 3 വയസ്സുകാരൻ റോബിൻ ക്രിസ്റ്റഫറുമാണ് മരിച്ചത്. മൃതദേഹങ്ങൾ പാലക്കാട് ജില്ലാ ആശുപത്രി മോർച്ചറിയിലേക്ക് മാറ്റി.

മരുന്ന് ക്ഷാമം ഒരാഴ്ച കൊണ്ട് പരിഹരിക്കുമെന്ന് ആരോഗ്യമന്ത്രി കെ മുരളീധരൻ പറഞ്ഞു. ചില താപ്പാനകളിൽ നിന്ന് മരുന്ന് വാങ്ങാൻ കഴിയില്ല. അവരെ ഒഴിവാക്കിയത് കൊണ്ടാണ് മരുന്ന് ക്ഷാമമെന്നും മന്ത്രി പറഞ്ഞു.

പത്തനംതിട്ട കോഴഞ്ചേരിയിൽ പ്രണയനൈരാശ്യത്തെ തുടർന്ന് യുവതിയെ കുത്തിക്കൊന്നു. റിസോർട്ടിലെ റിസപ്ഷനിസ്റ്റ് ആയിരുന്ന കുളത്തൂപുഴ സ്വദേശി ദിൽഷ ആണ് കൊല്ലപ്പെട്ടത്. സുഹൃത്ത് കീഴൂക്കര സ്വദേശി ജിത്തു പൊലീസ് പിടിയിൽ.

പകർച്ചവ്യാധി കണക്കുകൾ പുറത്ത് വിട്ടു, 27,28 തീയതികളിലെ കണക്കുകളാണ് ആരോഗ്യവകുപ്പ് പ്രസിദ്ധീകരിച്ചത്. ഡിഎച്ച്എസ് സൈറ്റിൽ കണക്കുകൾ പ്രസിദ്ധീകരിക്കുന്നില്ലെന്ന ന്യൂസ് മലയാളം വാർത്തയെ തുടർന്നാണ് നടപടി. 27 ന് സംസ്ഥാനത്ത് 4248 പേർ പനി ബാധിച്ച് ചികിത്സ തേടി. 28 ന് പനി ബാധിതരുടെ എണ്ണം 8688 ആയി ഉയർന്നുവെന്നും കണക്കുകൾ ചൂണ്ടിക്കാണിക്കുന്നു.

വിവാദ വിമാനയാത്രയിൽ മുഖ്യമന്ത്രി വി.ഡി. സതീശൻ വ്യക്തത വരുത്തണമെന്ന് മുതിർന്ന കോൺഗ്രസ് നേതാവ് കെ. സുധാകരൻ ആവശ്യപ്പെട്ടു. സതീശൻ അങ്ങനെ ചെയ്യുമെന്നാണ് പ്രതീക്ഷയെന്നും സുധാകരൻ ഡൽഹിയിൽ പറഞ്ഞു.

ടൂറിസ്റ്റ് ബസുകളിലെ ഏകീകൃത കളർ കോഡ് പിൻവലിച്ചു. കോൺട്രാക്ട് കാര്യേജ് ബസുകൾക്ക് ഇനിമുതൽ പല നിറങ്ങൾ ആകാം. നിലവിൽ കോൺട്രാക്ട് ക്യാരേജ് ബസുകള്‍ക്ക് വെള്ള നിറം മാത്രമാണ് അനുവദിച്ചിരുന്നത്. വെള്ളനിറം ഒഴിവാക്കണമെന്ന് ബസ്സുടമകൾ നിരന്തരം ആവശ്യപ്പെട്ടിരുന്നു. കളർ കോഡ് പിന്‍വലിച്ച് സര്‍ക്കാര്‍ ഉത്തരവിറങ്ങി.

2024ലെ സംഭല്‍ അക്രമത്തിന്റെ സൂത്രധാരനെന്ന് ആരോപിക്കപ്പെടുന്ന മുല്ല അഫ്രോസിനെതിരെ ദേശീയ സുരക്ഷാ നിയമപ്രകാരമുള്ള കരുതല്‍ തടങ്കല്‍ സുപ്രീം കോടതി റദ്ദാക്കി. കരുതൽ തടങ്കല്‍ ഉത്തരവ് പുറപ്പെടുവിക്കുന്നതിനു മുമ്പ് പ്രധാന തെളിവുകളും വിവരങ്ങളും പരിഗണിക്കുന്നതിൽ അധികൃതര്‍ക്ക് പിഴവ് സംഭവിച്ചെന്നു ചൂണ്ടിക്കാട്ടി ജസ്റ്റിസുമാരായ ദീപാങ്കര്‍ ദത്ത, ഷീല്‍ നാഗു എന്നിവരുടെ ബെഞ്ചിന്റേതാണ് നടപടി. മുല്ല അഫ്രോസിന്റെ കരുതല്‍ തടങ്കല്‍ ഉത്തരവും, ഉത്തരവ് ശരിവെച്ച അലഹാബാദ് ഹൈക്കോടതി വിധിയും സുപ്രീം കോടതി റദ്ദാക്കി. കൂടാതെ, ഉത്തർപ്രദേശ് സർക്കാരിന് 10 ലക്ഷം രൂപ പിഴയും ചുമത്തി.

സംസ്ഥാനത്ത് ഇന്ന് വൈദ്യുതി നിയന്ത്രണം ഉണ്ടാകുമെന്ന് കെഎസ്ഇബി. വൈകിട്ട് 6.45നും 12നും ഇടയിലാകും നിയന്ത്രണം. പവർ എക്സ്‌ചേഞ്ചിൽ നിന്നും വൈദ്യുതി ലഭ്യമാകാത്ത സാഹചര്യത്തിലാണ് നിയന്ത്രണം. ഇന്ന് 600 മെഗാവാട്ട് വൈദ്യുതിയാണ് കുറവ് രേഖപ്പെടുത്തുന്നത്. മധ്യപ്രദേശിൽ നിന്നുള്ള 200 മെഗാവാട്ട് വൈദ്യുതി ഇന്ന് വൈകിട്ട് എട്ടു വരെ ലഭിക്കില്ല. മൂന്നു ദിവസത്തെ ഇടവേളയ്ക്കു ശേഷമാണ് വൈദ്യുതി നിയന്ത്രണം ഏർപ്പെടുത്തുന്നത്.

ഏഷ്യന്‍ ഗെയിംസില്‍ ഇന്ത്യക്ക് വീണ്ടും സ്വര്‍ണം. വനിതകളുടെ 4x400 മീറ്റര്‍ റിലേയിലാണ് സ്വര്‍ണ നേട്ടം. അത്ലറ്റിക്സ് വിഭാഗത്തിലെ ഇന്ത്യയുടെ ആദ്യ സ്വര്‍ണനേട്ടമാണ്. 3:29:69 സെക്കന്‍ഡിലാണ് ടീം ഫിനിഷ് ചെയ്തത്. വിത്യ രാംരാജ്, കിരണ്‍ പഹല്‍, പൂവമ്മ, പ്രാച്ചി എന്നിവരാണ് ഇന്ത്യക്കായി സ്വര്‍ണക്കുതിപ്പ് നടത്തിയത്.

കാൻസർ മരുന്നുകൾക്കും മറ്റു മരുന്നുകൾക്കും വൻതോതിൽ വില വർധന ഏർപ്പെടുത്തിയതില്‍ ഇടപെട്ട് സുപ്രീം കോടതി. ഒരു ഏകീകൃത നിയമം എന്തുകൊണ്ട് ഏർപ്പെടുത്തിക്കൂടാ എന്ന് കോടതി കേന്ദ്ര സര്‍ക്കാരിനോടു ചോദിച്ചു. 2013ലെ ഡ്രഗ്സ് (വില നിയന്ത്രണ) ഉത്തരവ് പ്രകാരമുള്ള മരുന്നുകളുടെ വില നിയന്ത്രണം, ജനറിക് കുറിപ്പടികൾ, മെഡിക്കൽ ഉപകരണങ്ങളുടെ നിയന്ത്രണം എന്നിവ സംബന്ധിച്ച ഹർജികളിലാണ് കോടതി ഇടപെടൽ. ജസ്റ്റിസ് വിക്രം നാഥും ജസ്റ്റിസ് സന്ദീപ് മേത്തയും അടങ്ങുന്ന ബെഞ്ചാണ് ഹർജി പരിഗണിക്കുന്നത്.

സമസ്ത നേതാവ് ഉമർ ഫൈസി മുക്കത്തിനെതിരെ യൂത്ത് ലീഗ് നേതാവ് പി.കെ. ഫിറോസ് നടത്തിയ വിമർശനത്തിന് മറുപടിയുമായി എസ്‌.കെ.എസ്‌.എസ്.എഫ് നേതാവ് ഒ.പി. അഷറഫ്. യഥാർത്ഥ പണ്ഡിതന്മാർ അധികാരത്തിനു പിന്നാലെ പോകുന്നവരല്ലെന്ന ഫിറോസിന്റെ പരാമർശത്തിനെതിരെയാണ് പ്രതികരണം. മതനേതാക്കൾ അവരുടെ മതത്തിന്റെയും സംഘടനയുടെയും നയനിലപാടുകൾ വ്യക്തമാക്കാൻ ബാധ്യസ്ഥരാണെന്നും, അവരത് പറയുമ്പോൾ അതിനെ ചോദ്യം ചെയ്യുന്നതും പുച്ഛിക്കുന്നതും ശരിയായ നടപടിയല്ലെന്നും ഒ.പി. അഷറഫ് വ്യക്തമാക്കി. രാഷ്ട്രീയത്തിലുള്ളവർ ഇതിനെതിരെ സംസാരിക്കാൻ ശ്രമിക്കുന്നത് അപകടകരമാണ്. പാർലമെന്ററി സംവിധാനമെന്നത് ജനകീയ കോടതി തീരുമാനിക്കുന്നതാണെന്നും, തങ്ങളുടെ നിലപാടുകൾ വ്യക്തമാക്കുന്നത് ഭരണഘടന അനുവദിച്ചിട്ടുള്ള അവകാശമാണെന്നും അദ്ദേഹം കൂട്ടിച്ചേർത്തു.

റിപ്പോര്‍ട്ടര്‍ ടിവി എംഡി ആന്റോ അഗസ്റ്റിനെതിരായ അബ്‌കാരി കേസില്‍ അന്വേഷണം കൂടുതല്‍ പേരിലേക്ക്. ആന്റോയുടെ ഭാര്യാമാതാവ് ലില്ലി ജോസിന്റെ മൊഴിയെടുക്കാനാണ് എക്സൈസ് നീക്കം. വീട്ടിൽ എത്തിയെങ്കിലും ലില്ലി ജോസ് അവിടെ ഉണ്ടായിരുന്നില്ല. ഇതോടെ, ലില്ലി ജോസിന്റെ അഡ്രസില്‍ ഉടൻ തന്നെ നോട്ടീസ് നൽകാനാണ് എക്സൈസിന്റെ നീക്കം. അനധികൃത മദ്യശേഖരം പിടിച്ചെടുത്ത വീട് തന്റേതല്ലെന്നാണ് ആന്റോ അഗസ്റ്റിന്റെ വാദം. ജപ്തിയിലായ വീട് ലില്ലികുട്ടി എന്നയാൾ ലേലത്തിൽ പിടിച്ചെടുത്തു എന്നുമായിരുന്നു ആന്റോ അഗസ്റ്റിന്റെ വാദം. വീട് ആന്റോയുടേതു തന്നെയെന്ന നിലപാടിൽ തന്നെയാണ് എക്സൈസ്. ഉടമസ്ഥാവകാശം സ്ഥാപിക്കാൻ കൂടുതൽ തെളിവുകൾ ശേഖരിക്കുകയാണ് അന്വേഷണസംഘം.

മാധ്യമം ദിനപത്രത്തിലെ ശമ്പള പ്രതിസന്ധി പരിഹരിക്കുന്നതിൽ സംസ്ഥാന സര്‍ക്കാരിനും ഉത്തരവാദിത്വമുണ്ടെന്ന് പ്രതിപക്ഷ നേതാവ് പിണറായി വിജയൻ. പ്രശ്നം പരിഹരിക്കാൻ എൽഡിഎഫ് സർക്കാർ സ്വീകരിച്ച നടപടികളിൽ തുടർനടപടികൾ വേണം. സമ്മർദം ചെലുത്തി സ്ഥിരം ജീവനക്കാരെ രാജിവയ്പ്പിച്ച് കരാർ ജീവനക്കാരെ നിയമിക്കുക എന്നതാണ് മാധ്യമം മാനേജ്മെന്റ് ചെയ്യുന്നത്. എട്ടു മാസത്തെ ശമ്പളമാണ് കുടിശ്ശികയായി കിടക്കുന്നതെന്നും വിചിത്രമായ നിലപാടാണ് മാധ്യമ മാനേജ്മെന്റ് സ്വീകരിക്കുന്നതെന്നും പിണറായി വിജയൻ പറഞ്ഞു. സെക്രട്ടറിയേറ്റിനു മുന്നിൽ മാധ്യമം പത്രത്തിലെ ജീവനക്കാരും കേരള പത്രപ്രവർത്തക യൂണിയനും കേരള ന്യൂസ് പേപ്പർ എംപ്ലോയീസ് ഫെഡറേഷനും സംയുക്തമായി നടത്തുന്ന രാപകൽ സമരത്തിന് ഐക്യദാർഢ്യം പ്രകടിപ്പിച്ച് സംസാരിക്കുകയായിരുന്നു അദ്ദേഹം.

ഫോര്‍ട്ട് കൊച്ചിയില്‍ വന്‍ തീപിടിത്തം. കോഡര്‍ ഹൗസിനാണ് തീപിടിച്ചത്. ഫയര്‍ ഫോഴ്‌സ് സ്ഥലത്തെത്തി തീ അണയ്ക്കാൻ ശ്രമം തുടരുന്നു. ചരിത്രപ്രാധാന്യമുള്ള കെട്ടിടമായ കോഡർ ഹൗസ് നിലവിൽ ഹോട്ടലായാണ് പ്രവർത്തിക്കുന്നത്. ഇൻഡോ-പോർച്ചുഗീസ് ശൈലിയിൽ നിർമിച്ച പൈതൃക കെട്ടിടമാണ്. 1808ലായിരുന്നു കെട്ടിടത്തിന്റെ നിര്‍മാണം. 1905ല്‍ സാമുവേൽ കോഡര്‍ കെട്ടിടം നവീകരിച്ചു. ഇന്ത്യൻ നാഷണൽ ട്രസ്റ്റ് ഫോർ ആർട്ട് ആൻഡ് കൾച്ചറൽ ഹെറിറ്റേജ് പൈതൃക കേന്ദ്രമായി തെരഞ്ഞെടുത്ത സ്ഥലം കൂടിയാണിത്.

ജമ്മു കശ്മീരിലെ കത്വയിൽ സിഐഎസ്എഫ് ജവാന്റെ വെടിയേറ്റ് സഹപ്രവർത്തകരായ നാലുപേർക്ക് ദാരുണാന്ത്യം. സഹപ്രവർത്തകരുമായുള്ള വാക്ക് തർക്കത്തിനിടെയാണ് വെടിയുതിർത്തത്. കൊല്ലപ്പെട്ടവരിൽ അസിസ്റ്റന്റ് കമാൻഡന്റും ഉൾപ്പെടുന്നതായാണ് റിപ്പോര്‍ട്ട്. വെടിയുതിർത്തത് സിഐഎസ്എഫ് കോൺസ്റ്റബിളാണെന്നും ഇയാളെ പൊലീസിന് കൈമാറിയതായും സൈനിക വൃത്തങ്ങൾ അറിയിച്ചു. ജലവൈദ്യുതി പദ്ധതിയുടെ സുരക്ഷയ്ക്ക് നിയോഗിക്കപ്പെട്ടവരാണ് സൈനികര്‍.

കണ്ണൂർ പയ്യന്നൂരിലെ ഒന്നര വയസുകാരന്റെ മരണത്തില്‍ ആശുപത്രിക്ക് ചികിത്സാപ്പിഴവ് ഉണ്ടായെന്ന റിപ്പോര്‍ട്ട് ശരിവച്ച് സംസ്ഥാനതല വിദഗ്ധ സമിതി. ജില്ലാതല വിദഗ്ദ സമിതിയുടെ കണ്ടെത്തലാണ് ആറു പേർ അടങ്ങുന്ന സമിതി അംഗീകരിച്ചത്. റിപ്പോർട്ട് പയ്യന്നൂർ പൊലീസിന് കൈമാറി. അനസ്തീഷ്യ നല്‍കിയ ഡോക്ടര്‍ മാത്രമാണ് നിലവില്‍ പ്രതിപ്പട്ടികയിലുള്ളത്. കൂടുതല്‍ പേരെ പ്രതി ചേര്‍ക്കുന്നതില്‍ പൊലീസാകും തീരുമാനമെടുക്കുക. പയ്യന്നൂർ ബേബി മെമ്മോറിയൽ ആശുപത്രിയിൽ അനസ്തീഷ്യ നൽകുന്നതിനിടെയായിരുന്നു എരമം സ്വദേശികളായ സൂരജിന്റെയും വിജിഷയുടെയും ഏകമകന്‍ ദേവാൻഷ് ശൗര്യ മരിച്ചത്.

കുട്ടികളെ ഉൾപ്പെടുത്തി ഇൻസ്റ്റഗ്രാമിൽ പ്രചരിച്ച രാഷ്ട്രീയ വീഡിയോകളിൽ ഇടപെട്ട് ദേശീയ മനുഷ്യാവകാശ കമ്മീഷന്‍. മെറ്റയ്ക്കും ഇലക്ട്രോണിക്സ് - ഐടി മന്ത്രാലയത്തിനും കമ്മീഷന്‍ നോട്ടീസ് അയച്ചു. ഉത്തര്‍പ്രദേശിലെ ഒരു കോച്ചിങ് സെന്ററിലെ കുട്ടികളാണ് വീഡിയോകളിൽ ഉൾപ്പെട്ടതെന്നാണ് പരാതി. പ്രധാനമന്ത്രി നരേന്ദ്ര മോദിയെ വിമർശിക്കുന്ന പരാമർശങ്ങളും വിഡിയോകളിലുണ്ടായിരുന്നു.

കോഴിക്കോട് കടന്നല്‍ കുത്തേറ്റ തെങ്ങുകയറ്റ തൊഴിലാളി ചികിത്സയിലിരിക്കെ മരിച്ചു. നരിക്കുനി പുന്നശ്ശേരി മൂത്തോന പവിത്രൻ (48) ആണ് മരിച്ചത്. തിങ്കളാഴ്ച എരഞ്ഞിക്കലിൽ തെങ്ങിൽ കയറുന്നതിനിടെയാണ് കടന്നൽ കുത്തേറ്റത്. ഗുരുതര പരിക്കുകളോടെ കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലായിരുന്നു. തെങ്ങുകയറ്റത്തിനൊപ്പം ഓട്ടോ ഡ്രൈവറായും പവിത്രൻ ജോലി ചെയ്തിരുന്നു.

വേങ്ങൂരില്‍ വായ്പ തിരിച്ചടവ് മുടങ്ങിയ കുടുംബത്തിന്റെ വീട് ജപ്തി ചെയ്യാനെത്തിയ അഭിഭാഷക കമ്മീഷനെ തടഞ്ഞതില്‍ നജീബ് കാന്തപുരം എംഎൽഎയ്ക്ക് കോടതിയുടെ നോട്ടീസ്. കോടതി അലക്ഷ്യത്തിൽ വിശദീകരണം തേടിയാണ് നോട്ടീസ്. ഒരാഴ്ചയ്ക്കകം എംഎൽഎ വിശദീകരണം നൽകണമെന്നാണ് നിര്‍ദേശം. മഞ്ചേരി ചീഫ് ജുഡീഷ്യൽ മജിസ്ട്രേറ്റ് സരിത രവീന്ദ്രനാണ് നോട്ടീസ് അയച്ചത്. വേങ്ങൂരിൽ കുടുംബനാഥൻ മരിച്ചതിനെ തുടർന്ന് ബാങ്ക് വായ്പ തിരിച്ചടവ് മുടങ്ങിയ നിർധന കുടുംബത്തിന്റെ വീട് ജപ്തി ചെയ്യാനുള്ള നീക്കമാണ് എംഎൽഎ എത്തി തടഞ്ഞത്. അമ്മയും രണ്ട് യുവതികളും മാത്രമുള്ള കുടുംബം ഫോണില്‍ സഹായം അഭ്യര്‍ഥിച്ചതിനെത്തുടര്‍ന്നാണ് എംഎല്‍എ സ്ഥലത്തെത്തി ജപ്തി തടഞ്ഞത്. ഉദ്യോഗസ്ഥരുമായി വാക്കേറ്റവും ഉണ്ടായിരുന്നു.

വനത്തോടു ചേർന്ന തോട്ടം മേഖലയിൽ രാത്രി സഞ്ചാരത്തിന് കർശന നിയന്ത്രണമേര്‍പ്പെടുത്തി ഇടുക്കി ജില്ലാ കളക്ടര്‍. വൈകിട്ട് ആറ് മുതൽ രാവിലെ ആറുവരെയാണ് സഞ്ചാര നിയന്ത്രണം ഏർപ്പെടുത്തിയത്. മനുഷ്യ - വന്യജീവി സംഘർഷം ഒഴിവാക്കാനാണ് നടപടിയെന്ന് ഉത്തരവില്‍ പറയുന്നു. തൊഴിലാളികൾക്കും തോട്ടം ഉടമകൾക്കുമാണ് കർശന നിർദേശം.