കാസർഗോഡ് കാറിടിച്ച് പരിക്കേറ്റ് ചികിത്സയിലായിരുന്ന വീട്ടമ്മ മരിച്ചു. കാസർഗോഡ് ഉപ്പള ഇച്ചിലംപാടി കളത്തൂർ സ്വദേശിയായ ചെനിയപ്പ പൂജാരിയുടെ ഭാര്യ ലക്ഷ്മി (69) ആണ് മരിച്ചത്. ഇവർ കാറിടിച്ച് ഗുരുതരമായി പരിക്കേറ്റ് ചികിത്സയിലായിരുന്നു. കഴിഞ്ഞ മാസം ആഗസ്റ്റ് 14ന് കുമ്പള ടൗണിൽ വച്ചാണ് ലക്ഷ്മിയെ കാർ ഇടിച്ചത്.
ഗജരാജൻ പല്ലാട്ട് ബ്രഹ്‌മ ദത്തൻ ഇടിമിന്നലേറ്റ് ചെരിഞ്ഞു. ഇന്ന് വൈകിട്ടാണ് മിന്നലേറ്റ് ബ്രഹ്മദത്തന് ഗുരുതര പരിക്കേറ്റത്. ഈരാറ്റുപേട്ട സ്വദേശി രാജേഷ് പല്ലാട്ടിൻ്റെ ഉടമസ്ഥതയിലുള്ള ആനയാണിത്. വീട്ടുപരിസരത്ത് തന്നെയാണ് തളച്ചിരുന്നത്. പിന്നീട് മൃഗഡോക്ടറെത്തി മരണം സ്ഥീരികരിച്ചു. അരുണാചൽ വനങ്ങളിൽ നിന്നാണ് കേരളത്തിലേക്ക് ഈ ആനയെ കൊണ്ടുവന്നത്. 25 വർഷമായി കേരളത്തിലുണ്ട്. ഏകദേശം 45 വയസാണ് പ്രായം.
കടയിൽ സാധനം വാങ്ങാൻ എത്തിയ പെൺകുട്ടിയെ പീഡിപ്പിച്ച കേസിൽ വയോധികൻ അറസ്റ്റിൽ. വടകര മയ്യന്നൂർ തട്ടാറുത്തുമീത്തൽ നാസർ ആണ് അറസ്റ്റിയിലായത്. 10 വയസ്സുകാരിയാണ് പീഡനത്തിനിരയായത്.
ഐഎസ്എൽ പതിമൂന്നാം പതിപ്പിന് മുന്നോടിയായി ഇന്ത്യൻ മുന്നേറ്റ താരം റാംലുൻഛുങ്ങയെ (ഛുങ്ങ ഹ്മാർ) ടീമിലെത്തിച്ച് കേരള ബ്ലാസ്റ്റേഴ്‌സ്. എസ്.സി. ഡൽഹിയിൽ നിന്നാണ് 25കാരനായ താരം ടീമിൻ്റെ ഭാഗമാകുന്നത്. 2027-28 സീസൺ വരെയുള്ള കരാറിലാണ് താരം ഒപ്പുവച്ചത്. ഇതിന് പുറമെ ഗോൾകീപ്പർ അമരീന്ദർ സിംഗ്, മിഡ്ഫീൽഡർ മുഹമ്മദ് യാസിർ എന്നിവരെ ടീമിലെത്തിച്ചതായി കേരള ബ്ലാസ്റ്റേഴ്‌സ് എഫ്‌സി അറിയിച്ചു.
കൊല്ലം ചടയമംഗലത്ത് ടൂറിസ്റ്റുകൾക്ക് നേരെ ആക്രമണം നടത്തിയ മൂന്ന് പേർ അറസ്റ്റിൽ. ജഡായുപാറയിലെ ജീവനക്കാരായ ജിതിൻ രാജ്, സുധീർ, വിപിൻ എന്നിവരെയാണ് ചടയമംഗലം പൊലീസ് അറസ്റ്റ് ചെയ്തത്.