ഇന്ത്യ-വെസ്റ്റ് ഇന്‍ഡീസ് നാലാം ടി20: ബെംഗളൂരുവിൽ 9 ഓവർ മാച്ച്, ടോസ് നേടിയ സന്ദർശകർ ഇന്ത്യയെ ബാറ്റിങ്ങിനയച്ചു

ഇന്ത്യയിലെ ഏറ്റവും മികച്ച ഡ്രെയ്നിങ് സൗകര്യങ്ങളുള്ള ഗ്രൗണ്ടാണ് ബെംഗളൂരുവിലേത് എന്നതിനാൽ പ്രതീക്ഷയ്ക്ക് ഇനിയും വകയുണ്ട്.
India vs West Indies, 5th T20I
Published on: 
Updated on: 

ബെംഗളൂരു: ഇന്ത്യയും വെസ്റ്റ് ഇന്‍ഡീസും തമ്മിലുള്ള അഞ്ചാമത്തേയും അവസാനത്തേയും ടി20 പോരാട്ടം 9.15ന് ആരംഭിക്കും. ഇരു ടീമുകളും രണ്ട് മത്സരങ്ങള്‍ വീതം ജയിച്ചതിനാല്‍ ഇന്നത്തെ പോരാട്ടം കിരീട ജേതാവിനെ നിര്‍ണയിക്കുന്നതാണ്. ബെംഗളൂരുവിൽ ടോസ് നേടിയ സന്ദർശകർ ഇന്ത്യയെ ബാറ്റിങ്ങിനയച്ചു. ഇതോടെ ഇന്ത്യയ്ക്കായി സഞ്ജു സാംസണും അഭിഷേക് ശർമയും ബാറ്റിങ്ങിനിറങ്ങും.

മഴ മാറിയതോടെഅമ്പയർമാരും മാച്ച് റഫറിയും ഗ്രൗണ്ടിലെ വെള്ളക്കെട്ട് പരിശോധിച്ചു. പിന്നാലെ ഗ്രൗണ്ട് കവറുകൾ നീക്കി. ഒപ്പം താരങ്ങൾ വാം അപ്പിനായി ഗ്രൗണ്ടിലിറങ്ങിയിരുന്നു. ബെംഗളൂരുവിൽ 9 ഓവർ മാച്ചാണ് നടക്കുക. 9.15ന് പരമ്പരയുടെ ഫൈനൽ എന്ന് വിശേഷിപ്പിക്കാവുന്ന മത്സരം ആരംഭിക്കും.

India vs West Indies, 5th T20I
കളിയിൽ 50, സിക്സറടിയിൽ 100; സഞ്ജു സാംസൺ സൂപ്പറാ!

ഇന്ത്യയിലെ ഏറ്റവും മികച്ച ഡ്രെയ്നിങ് സൗകര്യങ്ങളുള്ള ഗ്രൗണ്ടാണ് ബെംഗളൂരുവിലേത് എന്നതിനാൽ മഴ മാറിയതോടെ അതിവേഗം മത്സരം ആരംഭിക്കാനായി. പരമ്പര 2-2ന് സമനിലയിൽ ആയതിനാൽ ഇന്നത്തെ മത്സരഫലം നിർണായകമാണ്.

പരിക്കേറ്റ അര്‍ഷ്ദീപ് സിങ്ങിന് പകരക്കാരനായി ഭുവനേശ്വര്‍ കുമാര്‍ ടീമിലെത്തുന്നത് ഇന്ത്യന്‍ പേസ് ആക്രമണത്തിന് കരുത്തേകും. ന്യൂ ബോളിൽ പന്ത് സ്വിങ് ചെയ്യിക്കാനും ഡെത്ത് ഓവറുകളില്‍ കൃത്യതയോടെ പന്തറിയാനുമുള്ള ഭുവിയുടെ കഴിവ് വെസ്റ്റ് ഇന്‍ഡീസിൻ്റെ ശക്തമായ ബാറ്റിങ് നിരയെ പിടിച്ചുകെട്ടാന്‍ ഇന്ത്യയെ സഹായിച്ചേക്കും.