മധ്യപ്രദേശിൽ പരിശീലന പറക്കലിനിടെ വ്യോമസേനയുടെ യുദ്ധവിമാനം തകർന്നുവീണു. രണ്ടുസീറ്റുള്ള മിറാഷ് 2000 എന്ന യുദ്ധവിമാനമാണ് തകർന്നത്. അപകടത്തിൽ രണ്ട് പൈലറ്റുമാർക്ക് പരിക്കുണ്ട്.


വ്യാഴാഴ്ച ഉച്ചയ്ക്ക് 2:20 ഓടെയാണ് സംഭവം. പതിവ് പരീക്ഷണ പറക്കലിനിടെ മധ്യപ്രദേശിലെ ശിവപുരിക്ക് സമീപം വിമാനം തകർന്നുവീഴുകയായിരുന്നു. വ്യോമസേനയുടെ യുദ്ധവിമാനമാണ് തകർന്നുവീണത്. മിറാഷ് 2000 എന്ന യുദ്ധവിമാനം നിലംപതിച്ചതോടെ തീ ഉയർന്നു. കറുത്ത പുക ഉയർന്നു. ശബ്ദംകേട്ട് സമീപമുള്ള ​ഗ്രാമീണർ അപകടമുഖത്തെത്തി. പിന്നാലെ പൊലീസും അ​ഗ്നിശമനയും സ്ഥലത്തെത്തി.

ALSO READ: യുഎസ് നാടുകടത്തൽ: ഇന്ത്യക്കാരെ വിലങ്ങിട്ടുകൊണ്ടുള്ള ദൃശ്യങ്ങൾ പങ്കുവെച്ച് യുഎസ് ബോർഡർ പട്രോൾ

അപകടത്തിൽ രണ്ട് പൈലറ്റുമാർക്ക് പരിക്കേറ്റിട്ടുണ്ട്. ഇരുവരെയും ആശുപത്രിലെത്തിച്ചെന്നും ആരോ​ഗ്യനില തൃപ്തികരമാണെന്നും അധൃകൃതർ അറിയിച്ചു. എന്നാൽ അപകടകാരണം ഇനിയും വ്യക്തമല്ല.വ്യോമസേന അന്വേഷണത്തിന് ഉത്തരവിട്ടിട്ടുണ്ട്. അതേസമയം വിമാനം പാടത്ത് വീണതിനാൽ വലിയ അപകടമാണ് ഒഴിവായത്.