തൃശൂർ കൊടുങ്ങല്ലൂരിൽ ബൈക്ക് കുഴിയില് വീണ് യുവാവ് മരിച്ചു. ദേശീയപാത നിർമാണത്തിൻ്റെ ഭാഗമായി കുഴിച്ച കുഴിയിൽ വീണാണ് അപകടം. അഴീക്കോട് ചുങ്കം പാലത്തിന് സമീപം കുരിശിങ്കൽ ജോർജിൻ്റെ മകൻ നിഖിലാണ് (24) മരിച്ചത്.
ചന്തപ്പുര-കോട്ടപ്പുറം ബൈപ്പാസിൽ ഗൗരിശങ്കർ ജംഗ്ഷന് തെക്കുവശം ശനിയാഴ്ച രാത്രിയിലായിരുന്നു അപകടം. അപകട സാധ്യത അറിയാതെ പോയ നിഖിൽ കുഴിയിൽ വീഴുകയായിരുന്നു.