കരിപ്പൂർ വിമാനത്താവളത്തിൽ ഒൻപത് കോടിയുടെ ഹൈബ്രിഡ് കഞ്ചാവ് പിടികൂടി. അബുദാബിയിൽ നിന്ന് കൊണ്ടുവന്ന 18 കിലോ ഹൈബ്രിഡ് കഞ്ചാവാണ് പൊലീസ് പിടികൂടിയത്. കഞ്ചാവ് കൈപ്പറ്റാനെത്തിയ മട്ടന്നൂർ സ്വദേശികളായ രണ്ടു പേരെ പൊലീസ് അറസ്റ്റ് ചെയ്തു.

Also Read: ഫോണിൽ അസഭ്യം പറഞ്ഞത് ഇഷ്ടപ്പെട്ടില്ല; പത്തനംതിട്ടയിൽ കടയിലെത്തിയ ആളുകളുടെ ദേഹത്ത് തിളച്ച വെള്ളമൊഴിച്ച് കടയുടമ

ഇന്നലെ രാത്രി അബുദാബിയിൽ നിന്ന് കരിപ്പൂർ വിമാനത്താവളത്തിലെത്തിയ ഇത്തിഹാദ് എയർവേസ് യാത്രക്കാരനാണ് ഹൈബ്രിഡ് കഞ്ചാവ് കൊണ്ടുവന്നതെന്നാണ് പൊലീസിന്റെ കണ്ടെത്തൽ. 18 പാക്കറ്റുകളിലായി ട്രോളി ബാ​ഗിലാണ് ഇയാൾ കഞ്ചാവ് എത്തിച്ചത്. ഇത് കൈപ്പറ്റാൻ എത്തിയ റിജിൽ, റോഷൻ ആർ. ബാബു എന്നിവരെയാണ് പൊലീസ് അറസ്റ്റ് ചെയ്തത്. കഞ്ചാവ് എത്തിച്ച യാത്രക്കാരനെ പിടികൂടാൻ പൊലീസിന് സാധിച്ചില്ല. ഇയാൾക്കായുള്ള അന്വേഷണം ആരംഭിച്ചു.

Also Read: ട്രെയിനില്‍ യുവതിക്ക്‌ നേരെ ലൈംഗികാതിക്രമം; അസം സ്വദേശി അറസ്റ്റില്‍

ബാങ്കോക്കില്‍ നിന്നാണ് അബുദാബി വഴി ഹൈബ്രിഡ് കഞ്ചാവ് കരിപ്പൂരിൽ എത്തിച്ചത്. ഇത് വലിയ വിലയ്ക്ക് വിൽക്കുന്ന ഒരു സംഘം തന്നെ സംസ്ഥാനത്തുണ്ടെന്നാണ് പൊലീസിന്റെ കണ്ടെത്തൽ.