കൊല്ലം അഞ്ചലിൽ തെരുവുനായ ആക്രമണം. അഞ്ചൽ കരുകോണിലാണ് തെരുവുനായ ആക്രമണം ഉണ്ടായത്. കുട്ടികളുൾപ്പെടെ എഴുപേർക്ക് നായയുടെ കടിയേറ്റു. ആക്രമണത്തിന് പിന്നാലെ നാട്ടുകാർ ചേർന്ന് നായയെ തല്ലിക്കൊന്നു. ആക്രമണത്തിൻ്റെ സിസിടിവി ദൃശ്യങ്ങൾ പുറത്ത് വന്നിട്ടുണ്ട്. 

ALSO READ: "തേങ്ങ വിൽക്കാനുണ്ട്, എത്തിക്കും മുൻപേ എസ്ഐക്ക് പണം നൽകണം"; കോഴിക്കോട് പൊലീസ് ചമഞ്ഞെത്തി പണം തട്ടി യുവാവ്

രാവിലെ 8 മണിയോടെയാണ് കരുകോണിൽ തെരുവുനായ ആക്രമണമുണ്ടായത്. മദ്രസയിലേക്ക് പോവുകയായിരുന്ന കുട്ടിയെയും പത്താം ക്ലാസ് വിദ്യാർഥിയെയും നായ കടിച്ചു. പിന്നാലെ സമീപത്തുണ്ടായിരുന്ന നാട്ടുകാർക്ക് നേരെയും ആക്രമണമുണ്ടായി. പരിക്കേറ്റവർ പാരിപ്പള്ളി മെഡിക്കൽ കോളേജിൽ ചികിത്സ തേടിയിട്ടുണ്ട്.