കേരള ചലച്ചിത്ര വികസന കോർപ്പറേഷൻ നിർമ്മിച്ച് വി.എസ് സനോജ് സംവിധാനം ചെയ്യുന്ന അരിക് എന്ന ചിത്രത്തിന്റെ ടീസർ പുറത്തിറക്കി. 1960കളിൽ തുടങ്ങി ഇന്നത്തെ കാലഘട്ടം വരെ ഒരു തൊഴിലാളി കുടുംബത്തിന്റെ ജീവിതത്തിലൂടെയുള്ള യാത്രയാണ് അരിക്.ചിത്രം മൂന്ന് തലമുറകളിലൂടെ ഇന്നത്തെ ഇന്ത്യയുടെ കഥ പറയുകയാണ്. സെന്തിൽ കൃഷ്ണ , ഇർഷാദ് അലി എന്നിവർ അച്ഛനും മകനുമാകുന്ന ചിത്രത്തിൽ ധന്യ അനന്യ, റോണി ഡേവിഡ് രാജ്, ശാന്തി ബാലചന്ദ്രൻ,സിജി പ്രദീപ് എന്നിവരും പ്രധാന വേഷത്തിലെത്തുന്നു.
1964ൽ കമ്യൂണിസ്റ്റ് പാർട്ടി പിളർന്ന സമയത്താണ് കുന്നംകുളത്തെ ഒരു ഗ്രാമത്തിൽ, കോരൻ എന്ന തൊഴിലാളിയുടെ മകനായാണ് ശങ്കരൻ ജനിക്കുന്നത്. പിന്നീട് അയാളുടെ ജീവിതത്തിലൂടെയാണ് അരിക് സഞ്ചരിക്കുന്നത്. ശങ്കരന്റെ മകൾ ശിഖയുടെ ജീവിത വിജയത്തിലൂടെയാണ് ഈ യാത്ര പൂർണ്ണമാകുന്നത്. ആയിരത്തി തൊള്ളായിരത്തി അറുപതുകളില് തുടങ്ങി ഇന്നുവരെയുള്ള സാമൂഹ്യമാറ്റം ഒരു തൊഴിലാളീ കുടുംബത്തിന്റെ കാഴ്ചയിലൂടെ അവതരിപ്പിക്കുകയാണ് ചിത്രം.
സൈന മൂവിസിന്റെ ചാനൽ വഴിയാണ് ടീസർ പുറത്തിറക്കിയത്. നിരവധി സിനിമ പ്രവർത്തകർ ടീസർ പങ്കുവച്ചു. ചിത്രത്തിന്റെ ഫസ്റ്റ് ലുക്ക് പോസ്റ്റര് നേരത്തെ ചലച്ചിത്രതാരം പൃഥ്വിരാജ് സുകുമാരന് തന്റെ ഫേസ്ബുക്ക് പേജിലൂടെ പങ്കുവെച്ചിരുന്നു. വി.എസ് സനോജ്, ജോബി വര്ഗീസ് എന്നിവരാണ് തിരക്കഥ.
ഛായാഗ്രഹണം മനേഷ് മാധവന്, എഡിറ്റര്- പ്രവീണ് മംഗലത്ത്, പശ്ചാത്തലസംഗീതം- ബിജിബാല്, പ്രൊഡക്ഷന് ഡിസൈന് - ഗോകുല്ദാസ്, സൗണ്ട് ഡിസൈന്- രാധാകൃഷ്ണന് എസ്, സതീഷ് ബാബു, സൗണ്ട് ഡിസൈന്- അനുപ് തിലക്, ലൈന് പ്രെഡ്യൂസര്- എസ് മുരുകന്, ചീഫ് അസോസിയേറ്റ് ഡയറക്ടര്- ശ്രീഹരി ധര്മ്മന്, വസ്ത്രാലങ്കാരം- കുമാര് എടപ്പാള്, മേക്കപ്പ്- ശ്രീജിത്ത് ഗുരുവായൂര്, കളറിസ്റ്റ്- യുഗേന്ദ്രന്, കാസ്റ്റിംഗ് ഡയറക്ടര്- അബു വളയംകുളം, സ്റ്റില്സ്- രോഹിത് കൃഷ്ണന്, ടൈറ്റില്, പോസ്റ്റര് ഡിസൈന്- അജയന് ചാലിശ്ശേരി, മിഥുന് മാധവ്, പി.ആര്ഒ- സതീഷ് എരിയാളത്ത്, മാര്ക്കറ്റിംഗ്- കണ്ടന്റ് ഫാക്ടറി മീഡിയ. ഈ മാസം 28 ന് അരിക് തീയ്യേറ്ററുകളിലേക്ക് എത്തും.