ഒറ്റക്കെട്ടായി പാർട്ടിയെ മുന്നോട്ട് നയിക്കാനുള്ള ദൗത്യമാണ് മുന്നിലുള്ളതെന്ന് സിപിഐഎം സംസ്ഥാന സെക്രട്ടറി എം.വി. ​ഗോവിന്ദൻ. വീണ്ടും പാർട്ടി സംസ്ഥാന സെക്രട്ടറിയായി തെരഞ്ഞെടുത്തതിന് മുഴുവൻ സഖാക്കളെയും അഭിവാദ്യം ചെയ്യുന്നുവെന്നും സംഘടനയെ രാഷ്ട്രീയവൽക്കരിക്കുക എന്ന സുപ്രധാന ചുമതലയാണ് ഏറ്റെടുക്കാൻ ഉള്ളതെന്നും എം.വി. ​ഗോവിന്ദന്‍ അറിയിച്ചു. എല്ലാ വർഗീയ ശക്തികളെയും അതിന്റെ സൂക്ഷ്മാംശത്തിൽ തിരിച്ചറിഞ്ഞ് പ്രതിരോധിക്കണം. നവകേരളം സൃഷ്ടിക്കാനുള്ള വലിയ പരിപാടികളുമായാണ് ഈ സമ്മേളനം അവസാനിക്കുമ്പോൾ പാർട്ടി മുന്നോട്ട് പോകുന്നതെന്ന് എം.വി. ​ഗോവിന്ദൻ പറഞ്ഞു.

Also Read: രണ്ടാമൂഴം; സിപിഐഎം സംസ്ഥാന സെക്രട്ടറിയായി എം.വി. ഗോവിന്ദൻ തുടരും

എല്ലാ ജനവിഭാഗങ്ങളെയും ഉൾക്കൊള്ളിച്ച് നവകേരളം സൃഷ്ടിക്കുമെന്നും സിപിഎം സംസ്ഥാന സെക്രട്ടറി പറഞ്ഞു. അതിനെതിരായി ഉയരുന്ന പുതു വെല്ലുവിളികളെക്കുറിച്ച് ധാരണ വേണം. അതിനെ മറികടക്കാൻ പുതുവഴികൾ വേണം. വികസിത - അർദ്ധ വികസിത രാജ്യങ്ങളിലെ ജനങ്ങളുടെ ജീവിത നിലവാരത്തിന് സമാനമായി കേരളത്തിലെ ജനങ്ങളുടെ ജീവിത നിലവാരം ഉയർത്തുകയാണ് നവ കേരളത്തിന്റെ ലക്ഷ്യം. മുഖ്യമന്ത്രി പിണറായി വിജയൻ അവതരിപ്പിച്ച വികസനരേഖ ആവേശം കൊള്ളിക്കുന്നതാണെന്നും എം.വി. ​ഗോവിന്ദൻ കൂട്ടിച്ചേർത്തു. കേന്ദ്രവും പ്രതിപക്ഷവും സൃഷ്ടിക്കുന്ന വികസന വിരുദ്ധതക്കെതിരായി പാർട്ടി ഒറ്റക്കെട്ടായി മുന്നോട്ടു പോകണം. അതിനാവശ്യമായ പരിപാടികൾ ആവിഷ്കരിച്ച് മുന്നോട്ടു പോകും. വർഗ ബഹുജന സംഘടനകളുടെ രാഷ്ട്രീയ ധാരണ ഉയർത്തിക്കൊണ്ടു വരുവാൻ പ്രത്യേക ഇടപെടൽ ഉണ്ടാകുമെന്നും എം.വി. ​ഗോവിന്ദൻ അറിയിച്ചു.

Also Read: സിപിഐഎമ്മിൻ്റെ കണ്ണൂർ സ്ക്വാഡ്; സംസ്ഥാന കമ്മിറ്റിയിൽ 89ൽ 11 കണ്ണൂരുകാർ

24ാം പാർടി കോൺ​ഗ്രസിനു മുന്നോടിയായി കൊല്ലത്തു നടന്ന സിപിഐ എം സംസ്ഥാന സമ്മേളനത്തിലാണ് എം.വി. ​ഗോവിന്ദനെ സെക്രട്ടറിയായി തെരഞ്ഞെടുത്തത്. സിപിഐഎമ്മിൻ്റെ 89 അം​ഗ സംസ്ഥാന കമ്മിറ്റിയെ സമ്മേളനം അംഗീകരിച്ചു.ഇതിൽകമ്മിറ്റിയിൽ 17 പുതുമുഖങ്ങളെയും ഉൾപ്പെടുത്തിയിട്ടുണ്ട്. 11 പേരും കണ്ണൂർ ജില്ലയിൽ നിന്നും ഉള്ളവരാണ്. കെ.കെ. ശൈലജ, എം.വി. ജയരാജൻ, സി.എൻ. മോഹൻ എന്നിവരെ സംസ്ഥാന സെക്രട്ടറിയിലേക്കും തെരഞ്ഞെടുത്തു. ടി.എം. തോമസ് ഐസക്, ടി.പി. രാമകൃഷ്ണൻ, കെ.എൻ. ബാല​ഗോപാൽ, പി. രാജീവ്, കെ. കെ. ജയചന്ദ്രൻ, വി.എൻ. വാസവൻ, സജി ചെറിയാൻ, എം. സ്വരാജ്, പി.എ. മുഹമ്മദ് റിയാസ്, പി.കെ. ബിജു, പുത്തലത്ത് ​ദിനേശൻ, സി.എൻ. മോഹനൻ.