വയനാട് വാളാട് പുഴയിൽ കുളിക്കാൻ ഇറങ്ങിയ രണ്ട് കുട്ടികൾ ഒഴുക്കിൽപ്പെട്ടു മരിച്ചു. വാഴപ്ലാംകുടി അജിൻ (15)‌, കളപുരക്കൽ ക്രിസ്റ്റി (13) എന്നിവരാണ് മരിച്ചത്. വാളാട് പുലിക്കാട്ട് കടവ് പുഴയിൽ വൈകിട്ട് നാലരയോടെയായിരുന്നു അപകടം.

ALSO READ: നീറ്റ് പരീക്ഷയ്ക്ക് വ്യാജ ഹാൾ ടിക്കറ്റ്: വിദ്യാർഥിയെയും മാതാവിനെയും വിട്ടയച്ചു

കുളിക്കാൻ ഇറങ്ങിയ സമയത്ത് ഇരുവരും അബദ്ധത്തിൽ ഒഴുക്കിൽ പെടുകയായിരുന്നു. കല്ലോടി സെൻ്റ് ജോസഫ് ഹൈസ്കൂൾ വിദ്യാർഥികളാണ് ഇരുവരും. ഇവർക്കൊപ്പം ഉണ്ടായിരുന്ന മറ്റ് മൂന്നു കുട്ടികളെ നാട്ടുകാർ രക്ഷപ്പെടുത്തി. മരിച്ച വിദ്യാർഥികൾ ഇരുവരും ബന്ധുക്കളാണ്.