തമിഴ്നാട് തിരുപ്പൂരിലുണ്ടായ വാഹനാപകടത്തിൽ മലയാളി കുടുംബത്തിലെ മൂന്ന് പേർക്ക് ദാരുണാന്ത്യം. മൂന്നാർ സ്വദേശികളായ നിക്സൺ, ജാനകി, മകൾ ഹെമി മിത്ര (15) എന്നിവരാണ് മരിച്ചത്. രണ്ടാമത്തെ മകൾ മൗന ഷെറിൻ (11) ഗുരുതരാവസ്ഥയിൽ തിരുപ്പൂരിലെ സർക്കാർ ആശുപത്രിയില്‍ ചികിത്സയിലാണ്.

Also Read: "ശരീരത്തില്‍ ചൂരല്‍കൊണ്ട് അടിച്ച പാടുകള്‍"; പൊലീസ് കസ്റ്റഡിയിലെടുത്ത് വിട്ടയച്ച സുരേഷിന്‍റെ മരണത്തില്‍ ദുരൂഹതയെന്ന് കുടുംബം

തമിഴ്നാട് തിരുപ്പൂർ കങ്കയത്താണ് വാഹനാപകടമുണ്ടായത്. കുടുംബം സഞ്ചരിച്ചിരുന്ന വാഹനം മരത്തിൽ ചെന്ന് ഇടിക്കുകയായിരുന്നു. വാഹനം ഓടിച്ചിരുന്ന നിക്സൺ ഉറങ്ങിപ്പോയതാകാം അപകടത്തിനു കാരണമെന്നാണ് സംശയിക്കുന്നത്.

Also Read: ഷഹബാസ് കൊലക്കേസ്: കുറ്റാരോപിതരായ വിദ്യാര്‍ഥികളുടെ പരീക്ഷാഫലം തടഞ്ഞുവയ്ക്കാന്‍ സര്‍ക്കാരിന് എന്ത് അധികാരം; വിമർശനവുമായി ഹൈക്കോടതി

മൂന്നാർ ഗൂഡാർവിള എസ്റ്റേറ്റിലെ താമസക്കാരാണ് നിക്സണും കുടുംബവും. നിക്സൺ മൂന്നാറിലെ കേരളാവിഷൻ കേബിൾ ഓപ്പറേറ്ററാണ്.