തിരുവനന്തപുരം നെടുമങ്ങാട് മാർക്കറ്റിൽ യുവാവ് കുത്തേറ്റ് മരിച്ച സംഭവത്തിൽ രണ്ടാം പ്രതി പിടിയിൽ. നരിമൂട് സ്വദേശി ജാഫറാണ് വയനാട്ടിൽ വെച്ച് പിടിയിലായത്. ബാറിൽ വെച്ചുണ്ടായ അടിപിടിയാണ് കൊലപാതകത്തിൽ കലാശിച്ചത്.

ALSO READ: ഐവിൻ ജിജോയെ കൊലപ്പെടുത്തിയ CISF ഉദ്യോഗസ്ഥരെ സർവീസിൽ നിന്നും നീക്കാൻ തീരുമാനം; കേസിൽ മൂന്നാമൻ ഉള്ളതായി വിലയിരുത്തൽ

അഴീക്കോട് സ്വദേശി ആഷിറാണ് കഴിഞ്ഞ ഞായറാഴ്ച കുത്തേറ്റ് മരിച്ചത്. ബാറിൽ വച്ചുണ്ടായ അടിപിടിയുടെ സിസിടിവി ദൃശ്യങ്ങൾ പുറത്തുവന്നിരുന്നു. വാക്കേറ്റവും ഉന്തും തളളും നടക്കുന്നതായി ദൃശ്യങ്ങളിൽ കാണാം. തുടർന്ന് ആഷിറും പ്രതികളുമായി നെടുമങ്ങാട് മാർക്കറ്റിൽ വെച്ച് സംഘർഷമുണ്ടായി. ഇതിനിടെയാണ് യുവാവിന് കുത്തേൽക്കുന്നത്. ആഷിറിൻ്റെ നെഞ്ചിലും തുടയിലും കഴുത്തിലും കുത്തേറ്റിരുന്നു.

ALSO READ: പള്ളിവാസല്‍ വിപുലീകരണ പദ്ധതി നിര്‍മാണത്തില്‍ പാളിച്ച; ടണലില്‍ മാലിന്യം അടിഞ്ഞ് വൈദ്യുതി ഉല്‍പ്പാദനം പകുതിയായി കുറഞ്ഞു

മുഖ്യപ്രതിയായ അഴീക്കോട് സ്വദേശി നസീ‍ർ, സുഹൃത്ത് ഷെമീം എന്നിവരെ നേരത്തെ പൊലീസ് പിടികൂടിയിരുന്നു. റൗഡി ലിസ്റ്റിൽ ഉൾപ്പെട്ടയാളാണ് ഷെമീമെന്ന് പൊലീസ് പറഞ്ഞിരുന്നു.